കോഴിക്കോട് : ബിജെപിയുടെ നേതൃത്വത്തില്‍ കോഴിക്കോട് താമരശ്ശേരിയില്‍ സംഘടിപ്പിച്ച സിഎഎ അനുകൂല യോഗം ബഹിഷ്‌കരിക്കണമെന്ന് വ്യാപകമായി പ്രചരിപ്പിച്ചയാള്‍ അറസ്റ്റില്‍. കുടത്തായി പുറായില്‍ വ്യാപാരിയായ സത്താറിനെയാണ് താമരശ്ശേരി പോലീസ് അറസ്റ്റ് ചെയ്തത്.
സമൂഹ മാധ്യമങ്ങളില്‍ സിഎഎ വിരുദ്ധ സന്ദേശങ്ങള്‍ പ്രചരിപ്പിച്ചെന്നും, അനുകൂല യോഗങ്ങളില്‍ പങ്കെടുക്കരുതെന്നുമാണ് ഇയാള്‍ വ്യാപകമായി പ്രചരിപ്പിച്ചിരുന്നതായി കണ്ടെത്തിയിട്ടുണ്ട്. ഇതിന്റെ അടിസ്ഥാനത്തിലാണ് നടപടി സ്വീകരിക്കുന്നത്. വ്യാപാരി വ്യവസായി ഏകോപന സമിതി കൊടുവള്ളി നിയോജക മണ്ഡലം ട്രഷററാണ് സത്താര്‍.
സിഎഎയ്‌ക്ക് വിരുദ്ധമായി പ്രചാരണം നടത്തിയതിന് പ്രദേശത്തു അറസ്റ്റിലാവുന്ന രണ്ടാമത്തേയാളാണ് സത്താര്‍. ഇതിനുമുമ്പ് ഷമീര്‍ എന്ന വ്യാപാരിയും അറസ്റ്റിലായിട്ടുണ്ട്.
പ്രതികരിക്കാൻ ഇവിടെ എഴുതുക: