ബിഗ് ബോസ് ഹൗസിലെ അമ്പതാം ദിനത്തില്‍ അനുഭവം പങ്കുവയ്‌ക്കുകയായിരുന്നു വീട്ടിലെ അംഗങ്ങള്‍. ഇതുവരെയും വീട്ടില്‍ പിടിച്ചുനില്‍ക്കാന്‍ കഷ്ടപ്പെട്ടതിന്റെയും വരും ദിവസങ്ങളിലെ പ്രതീക്ഷകളുമായിരുന്നു എല്ലാവരും പങ്കുവച്ചത്. എന്നാല്‍ ഡോക്ടര്‍ രജിത് കുമാറിന്റെ അനുഭവം വ്യത്യസ്തമായിരുന്നു.
തന്റെ മാതാവ് മരിച്ചിട്ട് കുറച്ചു നാളുകളേ ആയിട്ടുള്ളുവെന്നും അമ്മയുടെ മാസബലി പോലും മാറ്റി വച്ചാണ് താന്‍ ബിഗ്‌ബോസില്‍ പങ്കെടുത്തതെന്ന് രജിത് കുമാര്‍ വെളിപ്പെടുത്തി. അമ്മയ്‌ക്കായി മൂന്ന് മാസത്തെ ബലിയാണ് തനിക്കിടേണ്ടതായിട്ടുള്ളതെന്നും അത് ഒരുമിച്ചിടാന്‍ സാധിക്കുമോയെന്ന് ആലുവ മണപ്പുറത്തെ തന്ത്രിയോട് ചോദിച്ചിരുന്നതായും അദ്ദേഹം പറഞ്ഞും. തന്ത്രിയുടെ അനുവാദത്തെ തുടര്‍ന്നായിരുന്നു ബിഗ് ബോസില്‍ പങ്കെടുത്തത്. തനിക്ക് ഒരു ലക്ഷ്യമുണ്ടെന്നും അതുനേടുക തന്നെ ചെയ്യുമെന്നും ബിഗ് ബോസില്‍ ഏറ്റവും കൂടുതല്‍ ആരാധകര്‍ ഉള്ള രജിത്ത് കുമാര്‍ വ്യക്തമാക്കി. അമ്പതാം ദിവസമായ ഇന്നലെ അസുഖത്തെതുടര്‍ന്ന് മാറി നിന്നിരുന്ന മൂന്നു മത്സരാര്‍ത്ഥികള്‍ തിരികെ എത്തിയിരുന്നു. കൂടാതെ മത്സരാര്‍ത്ഥിയായി ഗായിക അമൃതാസുരേഷും സഹോദരിയും എത്തിയിരുന്നു.
പ്രതികരിക്കാൻ ഇവിടെ എഴുതുക: