ജിയോഫോണ്‍ ഉപഭോക്തക്കള്‍ക്കായി പുതിയ പ്ലാനുകള്‍ അവതരിപ്പിച്ച് റിലയന്‍സ് ജിയോ കമ്പനി. 49 രൂപക്കും 69 രൂപക്കും ലഭ്യമാകുന്ന 14 കാലാവധിയുള്ള രണ്ട് പ്രീപേയ്ഡ് പ്ലാനുകളാണ് ജിയോ പ്രഖ്യാപിച്ചിരിക്കുന്നത്. ഇതില്‍ 49 രൂപ പ്ലാന്‍ മുമ്പ് കമ്പനി നല്‍കിയിരുന്നെങ്കിലും 2019ല്‍ പ്ലാന്‍ പിന്‍വലിച്ചു.
2ജിബി ഹൈസ്പീഡ് ഡാറ്റയാണ് 49 രൂപയുടെ പുതിയ പ്ലാനില്‍ ലഭിക്കുക. 2 ജിബി ഉപയോഗ ശേഷം 64കെബിപിഎസ് ആയി ഡാറ്റാസ്പീഡ് കുറയും. അണ്‍ലിമിറ്റഡ് ജിയോ ടു ജിയോകാളുകളും 250 മിനിറ്റ് ഇതര നെറ്റ്‌വര്‍ക്കുകളിലേക്കുള്ള കാളുകളും ലഭിക്കും. 25 എസ്എംഎസുകളും ഈ പ്ലാന്‍ ഉപയോഗിക്കുന്നവര്‍ക്ക് സൗജന്യമായി ലഭിക്കും.
69 രൂപയുടെ രണ്ടാമത്തെ പ്ലാനില്‍ പതിന്നാല് ദിവസത്തേക്ക് ഇതരസര്‍വ്വീസുകളിലേക്ക് 250 കാള്‍ മിനിറ്റുകള്‍ ലഭിക്കും. ജിയോ ടു ജിയോ കാളുകള്‍ അണ്‍ലിമിറ്റഡ് ആണ്. 49 രൂപ പ്ലാനിന് സമാനമായി 25 സൗജന്യ എസ്എംഎസുകളും ലഭിക്കും. 7ജിബി ഹൈസ്പീഡ് ഡാറ്റയാണ് ലഭിക്കുക.
2020 ന്യൂഇയര്‍ ഓഫറിന് സമാനമായി കമ്പനി 2121 പ്ലാന്‍ അടുത്തിടെ പുറത്തിറക്കിയിരുന്നു. 1.5 ജിബി ഹൈസ്പീഡ് ഡാറ്റയാണ് പ്രതിദിനം ഈപ്ലാന്‍ വഴി ലഭിക്കുക. 365ന് പകരം 336 ദിവസത്തെ കാലാവധിയാണ് ഈ പ്ലാനിന് ഉള്ളത്.
പ്രതികരിക്കാൻ ഇവിടെ എഴുതുക: