ഗുരുവായൂര്‍: പൂന്താനം ദിനാഘോഷത്തിന്റെ ഭാഗമായി ഗുരുവായൂര്‍ ദേവസ്വം ഏര്‍പ്പെടുത്തിയ ജ്ഞാനപ്പാന പുരസ്‌കാരത്തിന് കവി പ്രഭാവര്‍മ്മയെ തെരഞ്ഞെടുത്തു. 50,001 രൂപയും പ്രശസ്തിഫലകവുമാണ് പുരസ്‌കാരം. 28 ന് വൈകിട്ട് നടക്കുന്ന പൂന്താനം ദിനാഘോഷ സാംസ്‌കാരിക സമ്മേളനത്തില്‍ മന്ത്രി കടകംപള്ളി സരേന്ദ്രന്‍ പുരസ്‌കാരം സമ്മാനിക്കും.
കവിയും ചലച്ചിത്രഗാന രചയിതാവും മാധ്യമ പ്രവര്‍ത്തകനും ടെലിവിഷന്‍ അവതാരകനുമാണ് പ്രഭാവര്‍മ്മ. കേന്ദ്ര സാഹിത്യ അക്കാദമി അവാര്‍ഡ്, കേരള സാഹിത്യ അക്കാദമി അവാര്‍ഡ്, ആശാന്‍ പ്രൈസ്, വയലാര്‍ അവാര്‍ഡ്, വള്ളത്തോള്‍ അവാര്‍ഡ്, ഉള്ളൂര്‍ അവാര്‍ഡ്, പത്മപ്രഭാ പുരസ്‌കാരം തുടങ്ങി നിരവധി പുരസ്‌കാരങ്ങള്‍ ലഭിച്ചിട്ടുണ്ട്. രണ്ടുവട്ടം നാടകഗാന രചനയ്‌ക്കുള്ള സംഗീത നാടക അക്കാദമി അവാര്‍ഡ് ലഭിച്ചു. ഇപ്പോള്‍ മുഖ്യമന്ത്രിയുടെ മാധ്യമ ഉപദേഷ്ടാവാണ്.
പ്രതികരിക്കാൻ ഇവിടെ എഴുതുക: