അഹമ്മദാബാദ്: ഗുജറാത്തില് ആര്എസ്എസിന്റെ പുതിയ സംസ്ഥാന കാര്യാലയം സര്സംഘചാലക് ഡോ. മോഹന് ഭാഗവത് സമര്പ്പിച്ചു. അഹമ്മദാബാദ് മണിനഗറില് നിര്മിച്ച അഞ്ച് നില കെട്ടിടത്തിന് ഡോ. ഹെഡ്ഗേവാര് ഭവന് എന്നാണ് പേര് നല്കിയത്.
അഞ്ച് കോടിയോളം മുതല് മുടക്കിലാണ് പുതിയ കാര്യാലയത്തിന്റെ നിര്മാണം. അമ്പത് വര്ഷത്തോളം പഴക്കമുള്ള പഴയ കാര്യാലയം പൊളിച്ചു മാറ്റിയിരുന്നു. വായനശാല, ആദ്യ രണ്ട് നിലകളിലായി വലിയ ഹാളുകള്, പാര്ക്കിങ് സൗകര്യങ്ങള് എന്നിവ പുതിയ കാര്യാലയത്തിലുണ്ടാകും. കാര്യാലയത്തിന്റെ മുന്വശത്തായി ഭാരത മാതാവിന്റെ കൂറ്റന് ചിത്രവും ഒരുക്കിയിട്ടുണ്ട്.
ഗുജറാത്തില് രണ്ട് ദിവസത്തെ സന്ദര്ശനത്തിനെത്തിയ മോഹന് ഭാഗവത് കാര്യാലയ നിര്മാണത്തിന് സാമ്പത്തികമായി സഹായിച്ചവരെയും സന്ദര്ശിക്കും. മണിനഗറില് ആര്എസ്എസ് പ്രവര്ത്തകരെ ഉള്ക്കൊള്ളിച്ച് ഇന്ന് വലിയ യോഗവുമുണ്ട്.
