തിരുവനന്തപുരം: റിപ്പബ്ലിക് ദിനത്തില് ജില്ല ആസ്ഥാനങ്ങളില് മന്ത്രിമാര് പ്രസംഗിച്ചതിന്റെ വിവരങ്ങള് നല്കണമെന്ന് രാജ്ഭവന്. എല്ലാ ജില്ലകളിലെയും ഇന്ഫര്മേഷന് ഓഫിസര്മാരോട് ഇക്കാര്യം രാജ്ഭവന് ആവശ്യപ്പെട്ടിരിക്കുന്നത്. എല്ലാ പത്രവാര്ത്തകളുടേതടക്കമുള്ള കോപ്പികള് അയച്ച് നല്കണമെന്നാണ് നിര്ദേശം നല്കിയിരിക്കുന്നത്.
ഇക്കാര്യം ജില്ലാ ഇന്ഫര്മേഷന് ഓഫിസര്മാരോടു നേരിട്ടാണ് രാജ്ഭവന് ആവശ്യപ്പെട്ടിരിക്കുന്നത്. ഇത് അസാധാരണമായ ഒരു നീക്കമാണ്. ഗവര്ണര് പങ്കെടുക്കുന്ന എല്ലാ ചടങ്ങുകളുടെയും പത്രവാര്ത്താ കോപ്പികള് രാജ്ഭവന് ആവശ്യപ്പെടാറുണ്ട്. ആദ്യമായാണു മന്ത്രിമാരുടെ പ്രസംഗത്തിന്റെ കോപ്പികള് രാജ്ഭവന് ആവശ്യപ്പെടുന്നത്.
അഭയാര്ത്ഥികളുടെ അഭയ കേന്ദ്രമാണ് ഇന്ത്യയെന്ന് റിപ്പബ്ലിക് ദിനത്തില് ഗവര്ണര് പറഞ്ഞിരുന്നു. ജാതിയുടേയോ, നിറത്തിന്റേയോ, സ്ംസ്കാരിക നിലവാരത്തിന്റേയോ പേരില് ആരേയും മാറ്റി നിര്ത്തുന്ന പാരമ്പര്യം ഇന്ത്യയ്ക്കില്ലെന്നും ഗവര്ണര് ആരിഫ് മുഹമ്മദ് ഖാന് വ്യക്തമാക്കിയിരുന്നു. റിപ്പബ്ലിക് ദിനത്തോടനുബന്ധിച്ച് തിരുവനന്തപുരത്ത് നടന്ന ചടങ്ങില് പതാക ഉയര്ത്തിയശേഷം സംസാരിക്കുകയായിരുന്നു അദ്ദേഹം. ലോകത്തിന് സഹിഷ്ണുത പഠിപ്പിച്ച മതത്തിലാണ് താന് വിശ്വസിക്കുന്നതെന്ന് പറഞ്ഞ സ്വാമി വിവേകാനന്ദന്റെ വാക്കുകളെ ഉദ്ധരിച്ചുകൊണ്ടാണ് പ്രസംഗം നടത്തിയത്.
