ചേര്ത്തല: കമ്യൂണിസ്റ്റ് പാര്ട്ടിയുടെ തലപ്പത്ത് ജിഹാദികള് പിടിമുറുക്കിയിരിക്കുകയാണെന്ന് ബിജെപി ഇന്റലക്ച്വല് സെല് സംസ്ഥാന കണ്വീനര് ടി.ജി. മോഹന്ദാസ്. പൗരത്വം ഭേദഗതി നിയമം നടപ്പിലാക്കിയതിലൂടെ ഗാന്ധിജി നല്കിയ വാഗ്ദാനം നിറവേറ്റുകയാണ് മോദി സര്ക്കാര് ചെയ്തത്. എതിര്ക്കുന്നവര് പീഡനമനുഭവിക്കുന്നവര്ക്ക് വേണ്ടിയല്ല പാക്കിസ്ഥാനിലെ മുസ്ലീങ്ങള്ക്ക് വേണ്ടിയാണ് സംസാരിക്കുന്നത്. രാജ്യം ഭരിച്ച പാര്ട്ടിയുടെ പ്രതിനിധിയായ രമേശ് ചെന്നിത്തല രാജ്യദ്രോഹികളുടെ വീട്ടില് പോയി മുട്ടുകുത്തിനിന്ന കാഴ്ച ദയനീയമാണെന്നും അദ്ദേഹം പറഞ്ഞു.
പൗരത്വ ഭേദഗതി നിയമത്തെ സംബന്ധിച്ച് കുരുക്ഷേത്ര പുറത്തിറക്കിയ പുസ്തകങ്ങള് ചടങ്ങില് പ്രകാശനം ചെയ്തു. കുരുക്ഷേത്ര ഡയറക്ടര് കെ.ആര്. സുബ്രഹ്മണ്യന്, അധ്യക്ഷന് പ്രൊഫ.പി.ആര്. രമണന് പുസ്തകം നല്കി. അഡ്വ.കെ. പ്രേംകുമാര്, എം.എസ്. ശ്രീകുമാര്, ഡോ. ദേവദാസ് തമ്പി എന്നിവര് പ്രസംഗിച്ചു.
