ന്യൂദല്ഹി : ഇന്ത്യയുടെ ആഭ്യന്തര കാര്യങ്ങളില് വീണ്ടും പാക്കിസ്ഥാന്റെ ഇടപെടല്. പ്രധാനമന്ത്രിയെ തുടര്ച്ചയായി വിമര്ശിച്ച മാധ്യമ പ്രവര്ത്തകയെ അഭിനന്ദിച്ചുകൊണ്ടാണ് പാക്കിസ്ഥാന്റെ ഇപ്പോഴത്തെ കൈകടത്തല്.
മോദിയ്ക്കെതിരെ വാര്ത്ത നല്കിയ റാണ അയൂബിന് അഭിനന്ദനം ചൊരിഞ്ഞത് പാക് വാര്ത്താ വിനിമയ മന്ത്രാലയം ട്വീറ്റ് ചെയ്യുകയായിരുന്നു. മോദിയുടെ സ്വേച്ഛാധിപത്യപരമായ നടപടിയെ പുറത്തുകൊണ്ടുവരാനുള്ള നിങ്ങളുടെ ധീരതയെ അഭിനന്ദിക്കുന്നതായാണ് ട്വിറ്ററില് പറയുന്നത്. പാക്കിസ്ഥാന് വാര്ത്താ വിതരണ മന്ത്രാലയം പ്രത്യേക അസിസ്റ്റന്റ് ഡോ. ഫിര്ദോസ് ആഷിഖ് ആവാനാണ് ഇതുസംബന്ധിച്ചുള്ള പോസ്റ്റ് പുറത്തുവിട്ടിരിക്കുന്നത്.
മോദിക്കെതിരെ അപകീര്ത്തിപ്പെടുത്തുന്ന വിധത്തില് അവാന് ഇതിനു മുമ്പും നിരവധി ട്വീറ്റുകള് ചെയ്തിട്ടുണ്ട്. കൂടാതെ കശ്മീര് വിഷയം വീണ്ടും ലോകത്തിന്റെ ശ്രദ്ധയില് കൊണ്ടുവരുന്നതിനും സമൂഹമാധ്യമങ്ങളിലൂടെ അവാന് പലപ്പോഴും ശ്രമിച്ചിട്ടുണ്ട്. കശ്മീരിന്റെ പ്രത്യേക പദവി റദ്ദാക്കിയതിനുശേഷം അവിടത്തെ ഇന്റര്നെറ്റ് മൊബൈല്, ലാന്ഡ്ലൈന് സൈവനങ്ങള് ഇതിനോടകം തന്നെ പുനസ്ഥാപിച്ചിട്ടുണ്ട്. എന്നാല് അതെല്ലാം കശ്മീര് താഴ്വരയില് നിരോധിച്ചിരിക്കുകയാണെന്നാണ് അവാന് ട്വീറ്റ് ചെയ്തിരിക്കുന്നത്.
ഇത്തരത്തില് വിവിധ നേതാക്കളുടെ ട്വീറ്റുകളും ഏറ്റെടുത്ത് ഇന്ത്യയ്ക്കെതിരെ ആയുധമാക്കി പാക്കിസ്ഥാന് ലോക രാഷ്ട്രങ്ങള്ക്കിടയില് ഉയര്ത്തിക്കാട്ടിയിട്ടുണ്ട്. കോണ്ഗ്രസ് നേതാവ് രാഹുല്ഗാന്ധി, നാഷണല് കോണ്ഫറന്സ് അധ്യക്ഷന് ഒമര് അബ്ദുള്ള എന്നിവരുടെ ട്വീറ്റുകള് യുഎന്നില് വരെ പാക്കിസ്ഥാന് ഉയര്ത്തിക്കാട്ടി ഇന്ത്യയേയും കേന്ദ്രസര്ക്കാരിനേയും മാശമാക്കി ചിത്രീകരിക്കാന് ശ്രമിച്ചിട്ടുണ്ട്.
ആര്ട്ടിക്കിള് 370യുമായി ബന്ധപ്പെട്ട് ഷെഹ്ല റഷീദ്. അരുന്ധതി റോയി, കവിത കൃഷ്ണന് എന്നിവരുടെ ട്വീറ്റുകളും ഇതോടൊപ്പം പാക്കിസ്ഥാന് വിവാദമാക്കാന് ശ്രമം നടത്തിയിട്ടുണ്ട്. 115 പേജുള്ള ഫയലാണ് ഇന്ത്യയിക്കെതിരെ പാക്കിസ്ഥാന് ജെനീവയിലെ യുഎന് മനുഷ്യാവകാശ സമിതിക്ക് പരാതിക്കൊപ്പം നല്കിയത്.
