ന്യൂദല്ഹി : സൗത്ത് ഇന്ത്യ ട്രാവല് എക്സ്പോ (SITE 2020) മെയ് 7 മുതല് 10 വരെ തിരുവനന്തപുരം ഉദയ് പാലസ് കണ്വെന്ഷന് സെന്ററില് നടക്കും. സൗത്ത് കേരള ഹോട്ടലിയേഴ്സ് ഫോറം, (SKHF) സൗത്ത് ഇന്ത്യ ഹോട്ടല്സ് ആന്റ് റെസ്റ്റോറന്റ് അസോസിയേഷന് (SIHRA) എന്നിവയുടെ സംയുക്ത ആഭിമുഖ്യത്തില് കേരള ടൂറിസം, സൗത്ത് ഇന്ത്യന് ടൂറിസം ബോര്ഡുകള് എന്നിവരുടെ സഹകരണത്തോടെയാണ് സൗത്ത് ഇന്ത്യ ട്രാവല് എക്സ്പോ സംഘടിപ്പിക്കുന്നത്. സൗത്ത് ഇന്ത്യ ട്രാവല് എക്സ്പോ യുടെ ബ്രോഷര് പ്രകാശനം കേന്ദ്ര ടൂറിസം വകുപ്പ് മന്ത്രി പ്രഹ്ലാദ് സിംഗ് പട്ടേല് ന്യൂദല്ഹിയില് നടന്ന ചടങ്ങില് നിര്വ്വഹിച്ചു.
സൗത്ത് ഇന്ത്യന് സംസ്ഥാനങ്ങളുടെ ടൂറിസം സാധ്യതകള് പരമാവധി പ്രചരിപ്പിക്കുന്നതിനും ടൂറിസം മേഖലയുടെ പരിപൂര്ണ്ണ വികാസത്തിനും സൗത്ത് ഇന്ത്യ ട്രാവല് എക്സ്പോയിലൂടെ കഴിയട്ടെ എന്ന് കേന്ദ്ര ടൂറിസം വകുപ്പ് മന്ത്രി പ്രഹ്ലാദ് സിംഗ് പട്ടേല് അഭിപ്രായപ്പെട്ടു. SITE ചീഫ് എക്സിക്യൂട്ടീവ് ഓഫീസര് മനോജ് ബാബു, മെട്രോ മീഡിയ മാനേജിംഗ് ഡയറക്ടര് സിജി നായര്, സിട്രിന് ഹോസ്പിറ്റാലിറ്റി മാനേജിംഗ് ഡയറക്ടര് പ്രസാദ് മാഞ്ഞാലി എന്നിവര് ബ്രോഷര് പ്രകാശന ചടങ്ങില് പങ്കെടുത്തു.
ഇന്ത്യക്ക് അകത്തും പുറത്തുമുള്ള മൂവായിരത്തോളം ടൂറിസം പ്രൊഫഷണലുകളും ടൂര് ഓപ്പറേറ്റര്മാരും പങ്കെടുക്കുന്ന എക്സപോയില് ഇരുന്നൂറോളം സ്റ്റാളുകള് ഉണ്ടാകും. ആദ്യ ദിനം ട്രേഡ് വിഭാഗത്തിനും രണ്ടാം ദിനം കോര്പറേറ്റ് വിഭാഗത്തിനും മൂന്നാം ദിനം പൊതുജനങ്ങള്ക്കുമായാണ് പ്രവേശനം ക്രമീകരിക്കുക. പങ്കെടുക്കാന് താത്പര്യമുള്ളവര് www.skhfsite.com എന്ന വെബ്സൈറ്റിലൂടെ രജിസ്റ്റര് ചെയ്യേണ്ടതാണ്. കൂടുതല് വിവരങ്ങള്ക്ക് 9947733339 എന്ന ഫോണ് നമ്പറില് ബന്ധപ്പെടാവുന്നതാണ്.
