ന്യൂദല്ഹി : ആഭ്യന്തര വിഷയങ്ങളില് അനാശ്യ ഇടപെടലുകള് നടത്തിയ മലേഷ്യയ്ക്ക് തിരിച്ചടി നല്കി കേന്ദ്രസര്ക്കാര്. മലേഷ്യയില് നിന്നും വന് തോതില് ഇറക്കുമതി ചെയ്തിരുന്ന സംസ്കരിച്ച പാമോയില് നിരോധിച്ചുകൊണ്ടാണ് കേന്ദ്രം മറുപടി നല്കിയിരിക്കുന്നത്. കേന്ദ്ര വാണിജ്യ മന്ത്രാലയമാണ് ഇതുസംബന്ധിച്ച് വിജ്ഞാപനം പുറത്തിറക്കിയത്.
ജമ്മു കശ്മീര്, പൗരത്വ നിയമ ഭേദഗതി എന്നീ വിഷയങ്ങളില് മലേഷ്യ ഇന്ത്യയ്ക്കെതിരെ പ്രസ്താവന നടത്തിയിരുന്നു. കശ്മീര് വിഷയത്തില് മലേഷ്യ പ്രസ്താവന നടത്തിയതിനു പിന്നാലെ ഇന്ത്യയുടെ ആഭ്യന്തര കാര്യമാണെന്ന് കേന്ദ്രം മറുപടി നല്കിയതാണ്. എന്നാല് പൗരത്വ വിഷയത്തില് വീണ്ടും അനാവശ്യ പ്രസ്താവന നടത്തിയതോടെയാണ് മലേഷ്യയ്ക്കെതിരെ നടപടി ഉണ്ടായിരിക്കുന്നത്.
നിലവില് സ്വതന്ത്രമായ ഇറക്കുമതിയുടെ വിഭാഗത്തിലാണ് പാമോയിലിനെ ഉള്പ്പെടുത്തിയിരിക്കുന്നത്. എന്നാല്, പുതിയ ഉത്തരവ് പ്രകാരം നിയന്ത്രിത വിഭാഗത്തിലേക്ക് പാമോയിലിനെ മാറ്റിയിരിക്കുകയാണ്. നിയന്ത്രണമാണെങ്കിലും ഫലത്തില് സംസ്കരിച്ച പാമോയിലിന്റെ ഇറക്കുമതി നിരോധിക്കുന്നതിനു തുല്യമാണ്. ഇതോടെ, അസംസ്കൃത പാമോയില് ഇറക്കുമതിക്കായിരിക്കും മുന്ഗണന.
ഇന്ത്യയിലേക്ക് സംസ്കരിച്ച പാമോയിലും പാമോലിനും ഇറക്കുമതി ചെയ്യുന്നതില് ഭൂരിഭാഗവും മലേഷ്യയില് നിന്നാണ്. അതുകൊണ്ടുതന്നെ കേന്ദ്രത്തിന്റെ ഈ തീരുമാനം മലേഷ്യയ്ക്ക് കനത്ത തിരിച്ചടിയാണ്.
പൗരത്വ നിയമത്തിന്റെ ആവശ്യമെന്താണെന്നും, മതേതര രാജ്യത്തിന്റെ ഈ നടപടി ഖേദകരമാണെന്നുമാണ് മലേഷ്യന് പ്രധാനമന്ത്രി മഹാതീര് മുഹമ്മദിന്റെ പ്രതികരണം. സംഭവത്തെ ഇന്ത്യ ശക്തമായി അപലപിക്കുകയും, മലേഷ്യന് പ്രധാന മന്ത്രി മഹാതീര് മുഹമ്മദിന്റെ പരാമര്ശം വസ്തുതാ വിരുദ്ധമാണെന്നും ഇന്ത്യയുടെ ആഭ്യന്തര കാര്യത്തില് മലേഷ്യ ഇടപെടേണ്ടെന്നും വിദേശകാര്യ മന്ത്രാലയം അറിയിക്കുകയും ചെയ്തു. കൂടാതെ മലേഷ്യന് സ്ഥാനപതിയെ വിളിച്ചുവരുത്തിയും ഇന്ത്യ പ്രതിഷേധം അറിയിച്ചു.
