പാലക്കാട്: ഇടതു സംഘടനകള് നടത്തുന്ന ദേശീയ പണിമുടക്കിനെ എതിര്ത്ത് പാലക്കാട് മേലാമുറിയിലെ സംയുക്ത യൂണിയന് തൊഴിലാളികള്. പതിവ് പോലെ ജോലിക്കെത്തിയാണ് തൊഴിലാളികള് പണിമുടക്കിനെ തള്ളിക്കളഞ്ഞത്. ചന്തയിലേക്ക് എത്തിയ ലോഡുകള് ഇറക്കാനും ഇവര് തയാറായി. ബിഎംഎസിനൊപ്പം മറ്റു തൊഴിലാളി യൂണിയനും പണിമുടക്കിനെ എതിര്ത്ത് പാലക്കാട്ട് ജില്ലയില് രംഗത്തെത്തിയിട്ടുണ്ട്.
അതേസമയം, പൊതുപണിമുടക്ക് ദിനവും സര്വീസുകള് തടസമില്ലാതെ കൊച്ചി മെട്രോ നടത്തുന്നുണ്ട്. മെട്രോ തൊഴിലാളികള് സംഘടന രൂപീകരിച്ചെങ്കിലും പണി മുടക്കിന് ആഹ്വാനം ചെയ്തിട്ടില്ലായിരുന്നുവെന്ന് മെട്രോ അധികൃതര് അറിയിച്ചു. പണിമുടക്ക് ഹര്ത്താലായി മാറ്റുന്നതിനുള്ള ശ്രമങ്ങളാണ് ഇപ്പോള് നടക്കുന്നത്. രാവിലെ റോഡുകളില് ഇറങ്ങിയ സിപിഎം പ്രവര്ത്തകര് കടകമ്പോളങ്ങള് ബലമായി അടപ്പിച്ചു.
സ്വകാര്യ വാഹനങ്ങളെ അടക്കം റോഡുകളില് തടയുന്നുണ്ട്. ശബരിമല തീര്ത്ഥാടനത്തിനു പോകുന്ന വാഹനങ്ങളെയും പണിമുടക്കില് നിന്നും ഒഴിവാക്കിയിട്ടുണ്ടെന്ന് അറിയിച്ചെങ്കിലും പലയിടത്തും അയ്യപ്പവാഹനങ്ങളും തടഞ്ഞിട്ടു. പത്തനംതിട്ട ജില്ലയില് ആണ് ഏറ്റവും കൂടുതല് ശബരിമല വാഹനങ്ങള് തടഞ്ഞത്. അവശ്യ സര്വീസുകളേയും ആശുപത്രി, ടൂറിസം മേഖല എന്നിവയേയും പണിമുടക്കില് നിന്നും ഒഴിവാക്കിയിട്ടുണ്ടെന്നും സംയുക്തസമര സമതി അറിയിച്ചു.
