മുംബൈ : ജെഎന്യു വിദ്യാര്ത്ഥി സംഘര്ഷത്തിന്റെ മറവില് ഗേറ്റ് വേ ഓഫ് ഇന്ത്യയില് ഫ്രീ കശ്മീര് പ്രതിഷേധം. ഇടത് ജിഹാദി സംഘടനകളുടെ നേതൃത്വത്തിലാണ് പ്രതിഷേധം അരങ്ങേറിയത്. മഹാരാഷ്ട്ര മുഖ്യമന്ത്രി ഉദ്ധവ് താക്കറെയുടെ ഓഫീസില് നിന്നും രണ്ട് കിലോമീറ്റര് മാത്രം അകലെയാണ് പ്രതിഷേധം അരങ്ങേറിയത്.
മുംബൈയില് ഗേറ്റ് വേ ഓഫ് ഇന്ത്യയ്ക്ക് മുന്നില് പ്രതിഷേധം നടത്തുന്നതിനിടെയാണ് ഫ്രീ കശ്മീര് എന്ന പേരില് പോസ്റ്റര് ഉയര്ത്തിയത്. മുംബൈ വിവിധ സ്ഥാപനങ്ങളില് നിന്നും ഒത്തുകൂടിയവര് രാജ്യ വിരുദ്ധ മുദ്രാവാക്യങ്ങളുമായി ഫ്രീ കശ്മീര് പോസ്റ്ററുകള് ഉയര്ത്തുകയായിരുന്നു. ജെഎന്യുവിലെ സംഘര്ഷാവസ്ഥ മുതലെടുത്ത് കശ്മീര് വിഷയം വീണ്ടും ഉയര്ത്തിക്കൊണ്ടുവരാനാണ് അവര് ശ്രമിക്കുന്നതെന്നും ആരോപണമുണ്ട്.
അതേസമയം മുഖ്യമന്ത്രിയുടെ ഓഫീസിന് തൊട്ടരികെ രാജ്യ വിരുദ്ധ പ്രതിഷേധങ്ങള് അരങ്ങേറിയിട്ടും നടപടി സ്വീകരിക്കാത്തതിനെതിരെ ഫട്നാവിസ് രൂക്ഷമായി വിമര്ശിച്ചു. മുഖ്യമന്ത്രിയുടെ ഓഫീസില് നിന്ന് വെറും രണ്ട് കിലോ മീറ്റര് മാത്രം അകലെയാണ് ഫ്രീ കശ്മീര് ദേശവിരുദ്ധ പ്രതിഷേധം നടന്നത്. യഥാര്ത്ഥത്തില് എന്തിനു വേണ്ടിയാണ് പ്രതിഷേധം. എന്തിനാണ് ഫ്രീ കശ്മീര് മുദ്രാവാക്യങ്ങള് മുംബൈയില് നടക്കുന്ന വിഘടനവാദ പ്രവര്ത്തനങ്ങള് എങ്ങനെ സഹിക്കും. മൂക്കിന് താഴെ നടന്ന ദേശ വിരുദ്ധ പ്രതിഷേധം ഉദ്ധവ്ജി കണ്ടില്ലെന്ന് നടിക്കുമോയെന്നും ഫട്നാവിസ് ട്വിറ്ററിലൂടെ കുറ്റപ്പെടുത്തി.
