ആലപ്പുഴ: നാട്ടില് കലാപത്തിന് തിരികൊളുത്താന് കൂലിയെഴുത്തുകാരായ ചരിത്രകാരന്മാര് ശ്രമിക്കുകയാണെന്ന് ബിജെപി മുന് സംസ്ഥാന അധ്യക്ഷന് കുമ്മനം രാജശേഖരന്. പൗരത്വ ഭേദഗതി നിയമവുമായി ബന്ധപ്പെട്ട് ബിജെപി ജില്ലാ കമ്മിറ്റി സംഘടിപ്പിച്ച ജനജാഗ്രതാ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
കണ്ണൂര് സര്വകലാശാലയില് നടക്കുന്ന ചരിത്ര കോണ്ഗ്രസ് ഉദ്ഘാടനം ചെയ്യുന്നതിനിടെ ഗവര്ണര് ആരീഫ് മുഹമ്മദ് ഖാനെ കൈയേറ്റം ചെയ്യാന് ഇര്ഫാന് ഹബീബ് ശ്രമിച്ചത് അതീവഗുരുതരമാണ്. സംസ്ഥാനത്തിന്റെ ഭരണത്തലവനെ അക്രമിക്കുന്നതിന് സിപിഎമ്മും ഒത്താശ ചെയ്തു. ഇര്ഫാന് ഹബീബിന് ഉദ്ഘാടന ചടങ്ങിന് ക്ഷണമില്ലായിരുന്നു. എന്നിട്ടും പ്രോട്ടോക്കോള് ലംഘിച്ച് അദ്ദേഹത്തെ ചടങ്ങില് പങ്കെടുപ്പിക്കുകയും, ഗവര്ണറെ അപമാനിക്കാനും ശാരീരികമായി ആക്രമിക്കാനും ഒത്താശ ചെയ്തവര് ആരാണെന്ന് അന്വേഷിച്ച് നിയമ നടപടി സ്വീകരിക്കണം.
എതിര് സ്വരങ്ങളെ ഇല്ലായ്മ ചെയ്യാനുള്ള സിപിഎമ്മിന്റെ ഫാസിസ്റ്റ് നടപടിയാണ് ഗവര്ണര്ക്കെതിരെ നടന്നത്. അത് വിലപ്പോകില്ല. പിണറായി വിജയനും രമേശ് ചെന്നിത്തലയും പറയുന്നത് എല്ലാവരും അനുസരിക്കണമെന്ന നിലപാട് അംഗീകരിക്കാനാകില്ല. അഭിപ്രായ സ്വാതന്ത്ര്യത്തിന് വേണ്ടി ബിജെപി ശക്തമായി നിലകൊള്ളുമെന്നും അദ്ദേഹം പറഞ്ഞു. ബിജെപി സംസ്ഥാന വൈസ് പ്രസിഡന്റ് പി.എം. വേലായുധന് മുഖ്യപ്രഭാഷണം നടത്തി. ജില്ലാപ്രസിഡന്റ് കെ. സോമന് അധ്യക്ഷനായി.
