തിരുവനനന്തപുരം: കണ്ണൂരില് ഗവര്ണര്ക്ക് നേരെ ഉണ്ടായ പ്രതിഷേധം ശുദ്ധ തെമ്മാടിത്തരമാണെന്ന് യുവമോര്ച്ച സെക്രട്ടറി സന്ദീപ് ജി വാര്യര്. കേരള ഗവര്ണര് ആരിഫ് മുഹമ്മദ് ഖാന്റെ ജീവനും കേരളത്തില് യാതൊരു സുരക്ഷിതത്വവും ഇല്ല. ഭരണഘടന പദവിയിലിരിക്കുന്ന ഗവര്ണര്ക്കെതിരെ നടന്ന പ്രതിഷേധം സംസ്ഥാന സര്ക്കാര് ആസൂത്രണം ചെയ്തതാണ്. കെ കെ രാഗേഷ് അവിടെയെത്തി പ്രതിഷേധക്കാരെ പോലീസില് നിന്ന് മോചിപ്പിച്ച രംഗം കണ്ടാല് തന്നെ അത് മനസിലാകുമെന്ന് അദേഹം ഫേസ്ബുക്ക് പോസ്റ്റില് പറഞ്ഞു.
സന്ദീപ് ജി വാര്യരുടെ ഫേസ്ബുക്ക് പോസ്റ്റിന്റെ പൂര്ണരൂപം:
സിക്കന്ദര് ഭക്ത് എന്ന മുസല്മാന് ആയ ബിജെപി നേതാവ് കേരള ഗവര്ണര് ആയിരുന്നു. 2004 ഫെബ്രുവരി 23ന് സിക്കന്ദര് ഭക്ത് മരണപ്പെട്ടത് സംസ്ഥാന സര്ക്കാര് മതിയായ ചികിത്സ നല്കാത്തതിനെ തുടര്ന്നാണെന്ന് അന്നേ ആരോപണം ഉണ്ടായിരുന്നു. ബഹു കേരള ഗവര്ണര് ആരിഫ് മുഹമ്മദ് ഖാന്റെ ജീവനും കേരളത്തില് യാതൊരു സുരക്ഷിതത്വവും ഇല്ല. ഇന്ന് ഗവര്ണര്ക്ക് നേരെ ഉണ്ടായ പ്രതിഷേധം ശുദ്ധ തെമ്മാടിത്തമാണ്. ഭരണഘടന പദവിയിലിരിക്കുന്ന ഗവര്ണര്ക്കെതിരെ നടന്ന പ്രതിഷേധം സംസ്ഥാന സര്ക്കാര് ആസൂത്രണം ചെയ്തതാണ്. കെ കെ രാഗേഷ് അവിടെയെത്തി പ്രതിഷേധക്കാരെ പോലീസില് നിന്ന് മോചിപ്പിച്ച രംഗം കണ്ടാല് തന്നെ അത് മനസ്സിലാകും.
എംജി സര്വകലാശാലയുടെ മാര്ക്ക് ദാനം മുതല് ഗവര്ണര് സ്വീകരിച്ച കര്ശന നിലപാടുകള് പിണറായി വിജയനും കൂട്ടര്ക്കും അസ്വസ്ഥതയുണ്ടാക്കുന്നതാണ്. അതിന്റെയൊക്കെ ബഹിര്സ്ഫുരണമാണ് ഇന്ന് കണ്ണൂരില് നടന്ന ആഭാസ സമരം. ശ്രീ ആരിഫ് മുഹമ്മദ് ഖാന് മഹാനായ ജനാധിപത്യവാദി ആയതുകൊണ്ട് അദ്ദേഹം തികഞ്ഞ മാന്യതയോടെ പ്രതിഷേധങ്ങളോട് സംവദിക്കാന് തയ്യാറായി. ഇതേ സമരം മുഖ്യമന്ത്രി പിണറായി വിജയനെതിരെ ആയിരുന്നു നടന്നിരുന്നതെങ്കില് എങ്ങനെ ആയിരിക്കും അദ്ദേഹം പ്രതികരിക്കുക എന്ന് മാത്രം ചിന്തിച്ചാല് മതി. കമ്മികളുടെ ജനാധിപത്യബോധവും ഭരണഘടന ബഹുമാനവും ഒക്കെ നമുക്ക് മനസ്സിലാകും.
