കൊല്ലം : അഭിഭാഷകര് തമ്മില് ഏറ്റുമുട്ടല് ഉണ്ടായതിനെ തുടര്ന്ന് സിപിഎം അനുകൂല യൂണിയനുള്ള അറുപതോളം പേര്ക്കെതിരെ പോലീസ് കേസെടുത്തു. കൊല്ലത്ത് കഴിഞ്ഞ മാസം 14ന് ലോക് അദാലത്തുമായി ബന്ധപ്പെട്ട തര്ക്കമാണ് സംഘര്ഷത്തിലേക്ക് നയിച്ചത്. ജില്ലാ ജഡ്ജിക്കെതിരെ ബാര് അസോസിേയഷന് ഹൈക്കോടതിക്ക് പരാതി നല്കി.
തുടര്ന്ന് കേരള ബാര് കൗണ്സില് ചെയര്മാന് ഉള്പ്പെടെ മുപ്പതുപേരെ ബാര് അസോസിയേഷനില് നിന്നു പുറത്താക്കി. ലോക് അദാലത്ത് നടക്കുന്നതിനിടെ ഉണ്ടായ അഭിപ്രായ വ്യത്യാസങ്ങളാണ് സംഘര്ഷത്തിലേക്ക് നയിച്ചത്. ഇതോടെ അദാലത്ത് അഭിഭാഷകര് ഒന്നടങ്കം ബഹിഷ്കരിച്ചു. ബാര് അസോസിഷേന്റെ പ്രതിഷേധത്തിനിടയിലും ജില്ലാ ജഡ്ജിയുടെ േനതൃത്വത്തില് അദാലത്തു നടന്നു. ഇതിനെതിരെ ശനിയാഴ്ച്ച ജില്ലാ കോടതി ബഹിഷ്കരിക്കാന് അസോസിയേഷന് തീരുമാനിച്ചു.
ഇതു അവഗണിച്ച് അന്പതോളം അഭിഭാഷകര് കോടതിയില് ഹാജരായെങ്കിലും ഇവര് പുറത്തിറങ്ങിയപ്പോള് മറു വിഭാഗം തടയുകയും അത് സംഘര്ഷത്തിലേക്ക് നീങ്ങുകയുമായിരുന്നു.
കേരള ബാര് കൗണ്സില് ചെയര്മാന് ഇ. ഷാനാസ്ഖാന് ഉള്പ്പെടെ 32 പേരെ അസോസിയേഷനില് നിന്ന് സസ്പെന്ഡ് ചെയ്തു. സിപിഎം അനുഭാവ സംഘടനയായ ഓള് ഇന്ത്യ ലായേഴ്സ് യൂണിയന് പ്രവര്ത്തകരാണ് സസ്പെന്ഷനില് ആയവരില് ഭൂരിഭാഗവും. ഇരുവിഭാഗം പരാതിയുമായി ഹൈക്കോടതിയെ സമീപിച്ചിരിക്കുകയാണ്.
