കോഴിക്കോട്: വിദേശ നായകന് പ്രതിഫലം നല്കാതെ അന്ന് വംശീയ വിവേചനം കാട്ടിയ ‘സുഡാനി ഫ്രം നൈജീരിയ’ സിനിമയുടെ അണിയറ പ്രവര്ത്തകര് ദേശീയ ചലച്ചിത്ര പുരസ്കാരദാന ചടങ്ങ് ബഹിഷ്ക്കരിച്ച് പൗരത്വ നിയമ ഭേദഗതിക്കെതിരെ പ്രതിഷേധിക്കുമെന്ന് ഇന്ന് വീമ്പിളക്കുന്നു. സംവിധായകനും തിരക്കഥാകൃത്തും നിര്മാതാക്കളുമാണ് വിട്ടുനില്ക്കുക.
അന്ന് സിനിമ ഹിറ്റായതിനേക്കാള് വേഗത്തിലാണ് വിവാദത്തിന് ചൂടുപിടിച്ചത്. കാരണം മറ്റൊന്നുമല്ല, ഇന്ത്യന് താരങ്ങള്ക്ക് ലഭിച്ചതിലും കുറവ് തുകയാണ് സിനിമയിലെ വിദേശ നായകന് ലഭിച്ചത് എന്നത് തന്നെ. നിര്മ്മാതാക്കളില് നിന്ന് വംശീയവിവാദം നേരിട്ടെന്നും വിദേശ നടന് സാമുവല് അബിയോള റോബിന്സണ് അന്ന് വിമര്ശിച്ചിരുന്നു. അന്ന് അങ്ങനെ നിലപാട് സ്വീകരിച്ച സുഡാനി ടീമാണ് ഇന്ന് പൗരത്വ നിയമ ഭേദഗതിക്കെതിരെ വാദിക്കുന്നതും പ്രതിഷേധിക്കുന്നതെന്നും ഓര്ക്കണം.
അറുപത്തിയാറാമത് ദേശീയ ചലച്ചിത്ര പുരസ്കാരങ്ങളില് മികച്ച മലയാള ചിത്രത്തിനുള്ള അവാര്ഡാണ് ‘സുഡാനി ഫ്രം നൈജീരിയ’യ്ക്ക് ലഭിച്ചത്. അതേസമയം പൗരത്വ നിയമഭേദഗതിക്കെതിരെ ചിലസംഘടനകള് ചൊവ്വാഴ്ച ആഹ്വാനം ചെയ്ത ഹര്ത്താലിനെ സിപിഎമ്മും ലീഗും എതിര്ത്ത് രംഗത്തെത്തി. അതിനിടെ, പൗരത്വ നിയമത്തില് ഹര്ത്താലിനെ അനുകൂലിക്കുന്നില്ലെന്ന് കാന്തപുരം എ.പി.അബൂബക്കര് മുസ്ലിയാര് പ്രതികരിച്ചു. സര്ക്കാരിനെ സമരം ചെയ്തു തോല്പിക്കുകയല്ല ലക്ഷ്യമെന്നും കാന്തപുരം വ്യക്തമാക്കി.
