തിരുവനന്തപുരം: പൗരത്വ നിയമ ഭേദഗതിയില് നിയമത്തില് ഗവര്ണറെ വെല്ലുവിളിച്ച് ധനമന്ത്രി തോമസ് ഐസക്ക്. ഗവര്ണര് ആരിഫ് മുഹമ്മദ് ഖാന് പറയുന്നത് കേന്ദ്ര സര്ക്കാര് നയങ്ങള്ക്ക് അനുസരിച്ചാണ്. സംസ്ഥാനം ഭരിക്കുന്നവര്ക്ക് നിലപാട് വ്യത്യസ്ഥമാണെന്നും ഐസക്ക് പറഞ്ഞു.
സംസ്ഥാനത്ത് പൗരത്വ നിയമം നടപ്പാക്കില്ലെന്ന മുഖ്യമന്ത്രി പിണറായി വിജയന്റെ നിലപാടിനെ തള്ളി ഗവര്ണര് രംഗത്തു വന്നിരുന്നു. പൗരത്വ നിയമ ഭേദഗതി ഒരു സമുദായത്തെ ലക്ഷ്യം വച്ചിട്ടുള്ളതല്ല. ഭരണഘടന അനുസരിച്ച് കേന്ദ്ര നിയമം അനുസരിക്കാന് എല്ലാവരും ബാധ്യസ്ഥരാണ്. ജനങ്ങള്ക്ക് രാഷ്ട്രീയ തിരുമാനങ്ങളിലൂടെ എന്ത് പ്രശ്നമുണ്ടായാലും സംരക്ഷകരായി കോടതി ഉണ്ട്. പൗരത്വ നിയമ ഭേദഗതി സംബന്ധിച്ച് ആശങ്ക വേണ്ട. കേരളം അത് നടപ്പാക്കില്ലെന്ന മുഖ്യമന്ത്രിയുടെ പ്രസ്താവന സംബന്ധിച്ച് അഭിപ്രായം പറയേണ്ടത് രാഷ്ട്രീയക്കാരാണ് എന്നും ഗവര്ണര് വ്യക്തമാക്കി.
പൗരത്വനിയമഭേദഗതിക്കെതിരെ സംസ്ഥാനത്ത് ഭരണപക്ഷവും പ്രതിപക്ഷവും നാളെ സംയുക്തപ്രക്ഷോഭം നടത്താനിരിക്കെയാണ് നിയമത്തെ പിന്തുണച്ചും നിയമം നടപ്പാക്കില്ലെന്ന മുഖ്യമന്ത്രിയുടെ പ്രസ്താവന തള്ളിയും ഗവര്ണര് രംഗത്തെത്തിയത്. രാജ്യമെമ്പാടും നടക്കുന്ന പ്രതിഷേധങ്ങള് രാഷ്ട്രീയപ്രേരിതമാണെന്നും ഗവര്ണര് ചൂണ്ടിക്കാട്ടി. നാളെ രാവിലെ പത്ത് മുതലാണ് പാളയം രക്തസാക്ഷി മണ്ഡപത്തില് സംയുക്തപ്രതിഷേധം.
