രാമജന്മഭൂമി ന്യാസ്മഞ്ച് വൈസ് പ്രസിഡന്റ് മഹന്ദ് കമല് നയന്ത്ദാസ്ജി മഹാരാജും സംഘവും ശബരിമല ദര്ശനത്തിനെത്തിയപ്പോള്
ശബരിമല: ഭാരതത്തിലെ ഹൈന്ദവ സമൂഹം ആഗ്രഹിച്ച വിധിയാണ് അയോധ്യ വിഷയത്തില് ഉണ്ടായതെന്നും അതുപോലെ ശബരിമലയിലും വിധിയുണ്ടാകാന് പ്രാര്ത്ഥിക്കണമെന്നും രാമജന്മഭൂമി ന്യാസ് മഞ്ച് വൈസ് പ്രസിഡന്റ് മഹന്ത് കമല് നയന്ത്ദാസ്ജി മഹാരാജ്.
ശബരിമല ദര്ശനത്തിനു ശേഷം സംസാരിക്കുകയായിരുന്നു അദ്ദേഹം. ശബരിമലയിലെ വിശ്വാസം സംരക്ഷിച്ചു നിലനിര്ത്തിയും വിശ്വാസി സമൂഹം ആഗ്രഹിക്കുന്ന വിധിയുണ്ടാകുമെന്നാണ് കരുതുന്നത്. ഇതരമതക്കാര്ക്ക് അവരുടെ ആരാധനാലയങ്ങളില് ഉള്ളതുപോലുള്ള ഭരണാധികാരം ഹിന്ദു ആരാധനാലയങ്ങള്ക്കും വിട്ടുകൊടുത്ത് എല്ലാ ഹൈന്ദവ ക്ഷേത്രങ്ങളും രാഷ്ട്രീയ വിമുക്തമാക്കണം, രാമക്ഷേത്ര നിര്മാണവുമായി ബന്ധപ്പെട്ട് ട്രസ്റ്റ് രൂപീകരണ പ്രവര്ത്തനം ആരംഭിച്ചു. മൂന്നു മാസത്തിനകം ക്ഷേത്ര നിര്മ്മാണം ആരംഭിക്കാന് കഴിയുമെന്നും അദ്ദേഹം പറഞ്ഞു.
രാമജന്മഭൂമി ന്യാസ്മഞ്ച് ഉത്തരാധികാരി ശ്രീമണി രാംദാസ് ജാവന്തി, ശ്രീരാമദാസമിഷന് ഓള് ഇന്ത്യാ ജനറല് സെക്രട്ടറി ശ്രീ ശക്തിശാന്താനന്ദ മഹര്ഷി, ഹമ്പി കിഷ്കിന്ദയാല് അഞ്ജാനാദ്രി ഹനുമാന്ക്ഷേത്രം മുഖ്യ അര്ച്ചക് വിദ്യാദാസ് മഹാരാജ്, അയോധ്യാ വിമല്കൃഷ്ണ, ബെംഗളൂരു സ്വാമി സത്യാനന്ദസരസ്വതി ഫൗണ്ടേഷന് ട്രസ്റ്റി സുജിത് പി.വി, ദേശീയ സംഘടനാ കാര്യദര്ശി സുരേഷ്കുമാര് എന്നിവരും സംഘത്തിലുണ്ടായിന്നു.
