കൊച്ചി: ശബരിമല തീര്ഥാടന കാലത്ത്, ഇസ്ലാമിക മതഭീകരര് നടത്തുന്ന ഹര്ത്താലിന് പിന്നില് ഗൂഢാലോചനയെന്ന് ബിജെപി വക്താവ് അഡ്വ. ബി. ഗോപാലകൃഷ്ണന്.അഖണ്ഡ ഭാരതത്തിലെ ക്രൈസ്തവര്ക്കും ഹിന്ദുക്കള്ക്കും ആധുനിക ഇന്ത്യയില് പൗരത്വം നല്കുന്നതിനെതിരെയെന്ന പേരില് കേരളത്തില് നടത്തുന്ന ഹര്ത്താലിന് പിന്നില് മതഭീകരവാദികളുടെ വന് ഗൂഢാലോചനയുണ്ടെന്ന് ഗോപാലകൃഷ്ണന് പറഞ്ഞു. ഹിന്ദു, ക്രൈസ്തവ മത വിശ്വാസികള്ക്ക് വിരുദ്ധമാണ് ഈ ഹര്ത്താല്. വാട്സ് ആപ് ഹര്ത്താല് നടത്തിയ ഭീകര പ്രസ്ഥാനം ഈ ഹര്ത്താലിന്റെ പിന്നിലുണ്ട്. ഏതെങ്കിലും തരത്തിലുള്ള അക്രമമുണ്ടായാല് അതിന്റെ പൂര്ണ ഉത്തര്വാദിത്വം സംസ്ഥാന ഭരണകൂടത്തിന് മാത്രമാകും. പൗരത്വ ബില്ലില് വിദേശി മുസ്ലീങ്ങളോട് വിവേചനമെന്ന് പറയുന്നുണ്ടെങ്കില് ഈ വിവേചനം ഇന്ത്യന് ഭരണഘടനയിലുണ്ട്. സമരം ചെയ്യുന്നവര് ഭരണഘടനക്കെതിരെയും സമരം നടത്തുമോ? അദ്ദേഹം ചോദിച്ചു.
