ന്യൂദല്ഹി: പൗരത്വ ഭേദഗതി നിയമത്തിനെതിരെ അക്രമികള് നടത്തുന്ന സമരം പൊലിപ്പിച്ച് വാര്ത്തയാക്കാന് പോയ ഏഷ്യാനെറ്റ് ന്യൂസ് മാധ്യമപ്രവര്കരെ പ്രതിഷേധക്കാര് വളഞ്ഞിട്ട് തല്ലി. ജാമിയ മിലിയ സര്വകലാശാലയില് നടന്ന പ്രതിഷേധം റിപ്പോര്ട്ട് ചെയ്യാനെത്തിയ വാര്ത്ത സംഘത്തിനാണ് ക്രൂരമായി മര്ദ്ദനമേറ്റത്. ഏഷ്യാനെറ്റ് ന്യൂസിലെ റിപ്പോര്ട്ടര് ധനേഷിനും ക്യാമറമാന് വസീം സെയ്ദിക്കുമാണ് അക്രമത്തില് പരിക്കേറ്റത്.
പാര്ലമെന്റിലേക്കായിരുന്നു പ്രതിഷേധക്കാരുടെ മാര്ച്ച്. ഇത് പോലീസ് തടഞ്ഞതിനെ തുടര്ന്ന് സംഘര്ഷം ആരംഭിക്കുകയായിരുന്നു. ബാരിക്കേഡുകള് തകര്ക്കാന് ശ്രമിച്ച ക്രിമിനലുകളെ പോലീസ് അറസ്റ്റ് ചെയ്തു. ഇതോടെ അക്രമികളും പോലീസും തമ്മില് കല്ലേറ് തുടങ്ങി. ഇതിനിടെയാണ് ഏഷ്യാനെറ്റ് ന്യൂസിലെ മാധ്യമപ്രവര്ത്തകര്ക്ക് പരിക്കേറ്റത്. മാര്ച്ച് അക്രമാസക്തമായപ്പോള് പോലീസ് ലാത്തി വീശുകയും ടിയര് ഗ്യാസ് പ്രയോഗിക്കുകയും ചെയ്തു. ജാമിയ മിലിയ ഇസ്ലാമിയ ക്യാമ്പസില് നിന്നും ആരംഭിച്ച മാര്ച്ചിനെ സര്വകലാശാല ഗേറ്റില്വെച്ച് തന്നെ പോലീസ് തടഞ്ഞിരുന്നു.
