തൃശൂര്: കേരളത്തിലെ മാധ്യമങ്ങള് ഏകപക്ഷീയമായി വാര്ത്തകള് ചമയ്ക്കുന്നതിനെതിരെ കേന്ദ്രമന്ത്രി വി. മുരളീധരന്. മാധ്യമങ്ങള് ഒരു പ്രത്യേക ലക്ഷ്യം വെച്ചാണ് വാര്ത്ത പുറത്തുവിടുന്നത്. ഇതിലൂടെ നടപ്പാക്കുന്നത് ഒരു വിഭാഗത്തിന്റെ അജണ്ടയാമെന്നും അദേഹം പറഞ്ഞു. തൃശൂരില് നടക്കുന്ന കേരള വര്ക്കിംഗ് ജേര്ണലിസ്റ്റ് യൂണിയന് വാര്ഷിക സമ്മേളത്തിലാണ് മാധ്യമങ്ങളുടെ ഈ ദുഷ്പ്രവണത അദേഹം തുറന്നുകാട്ടിയത്. പല വാര്ത്തകളും ഏകപക്ഷീയമായാണ് റിപ്പോര്ട്ട് ചെയ്യുന്നത്.
ഇതിന് ഏറ്റവും നല്ല ഉദാഹരണമാണ് അടുത്തിടെ തിരുവനന്തപുരം പ്രസ് ക്ലബില് നടന്ന സംഭവങ്ങളെന്ന് മുരളീധരന് പറഞ്ഞു. ഇതിന് മുമ്പും ഇത്തരം സംഭവങ്ങള് അരങ്ങേറിയിട്ടുണ്ട്. പല സ്ത്രീകളും മാധ്യമ പ്രവര്ത്തകര്ക്കെതിരെ ആരോപണവുമായി രംഗത്തെത്തിയിരുന്നു. ഇതെല്ലാം വാര്ത്തകള് പോലും നല്കാതെ ഒതുക്കി തീര്ക്കുകയാണ് ഉണ്ടായത്. ചിലര് ചെയ്യുമ്പോള് തെറ്റും ചിലര് ചെയ്യുമ്പോള് ശരിയും ആകരുതെന്നും നിഷ്പ്ക്ഷത വേണമെന്നും മുരളീധരന് പറഞ്ഞു. ചിലരുടെ താല്പര്യങ്ങള് സംരക്ഷിക്കാനാണ് മാധ്യമ പ്രവര്ത്തകര് ശ്രമിക്കുന്നത്. ഇതിന് രാഷ്ട്രീയ ചുവയുണ്ടെന്നും അദേഹം പറഞ്ഞു.
കേന്ദ്രമന്ത്രിയുടെ പ്രസ്താവനയില് സിപിഎം മാധ്യമപ്രവര്ത്തകരെ ചൊടിപ്പിച്ചു. പ്രസംഗിച്ച ശേഷം പുറത്തിറങ്ങിയ കേന്ദ്രമന്ത്രിയെ സിപിഎം മാധ്യമ പ്രവര്ത്തകര് തടയാന് നീക്കം നടത്തി. എന്നാല്, തന്റെ നിലപാടില് നിന്ന് പിന്നോട്ട് പോകില്ലെന്ന് അദേഹം അറിയിച്ചു. എല്ലാവര്ക്കും അഭിപ്രായം പറയാനുള്ള സ്വാതന്ത്രമുള്ള രാജ്യമാണ് ഇന്ത്യ. ഞാന് എന്റെ അഭിപ്രായമാണ് പറഞ്ഞതെന്നും അദേഹം നിലപാട് എടുത്തു. തുടര്ന്ന് സംഘര്ഷം ഉടലെടുക്കുമെന്ന് കണ്ടതോടെ സിപിഎം മാധ്യമപ്രവര്ത്തകരെ മുതിര്ന്ന മാധ്യമപ്രവര്ത്തകര് ഇടപെട്ട് സ്ഥലത്തുനിന്നും മാറ്റുകയായിരുന്നു.
