തിരുവനന്തപുരം: ദേശീയ പൗരത്വ ഭേദഗതി ബില്ലിനെ ചൊല്ലി രാജ്യത്തിന്റെ വിവിധയിടങ്ങളില് ചിലര് സംഘടിപ്പിക്കുന്ന പ്രതിഷേധങ്ങള് വ്യത്യസ്ത ആവശ്യങ്ങള് ഉയര്ത്തിയാണെന്ന് മനസിലാക്കണമെന്ന് പോലീസ് മുന് മേധാവി ടി.പി. സെന്കുമാര്. ഏറ്റവും അധികം പ്രക്ഷോഭം നടക്കുന്ന അസമിലേത് അഭയാര്ഥികള്ക്ക് പൗരത്വം നല്കണമെന്ന് ആവശ്യപ്പെട്ടല്ല. മറിച്ച് ആര്ക്കും പൗരത്വം കൊടുക്കരുതെന്ന് ആവശ്യപ്പെട്ടാണ്. എന്നാല്, മാധ്യമങ്ങള് ജനങ്ങളെ തെറ്റിദ്ധരിപ്പിക്കുകാണ്.കേരളത്തിലെ പ്രതിഷേധം ആകട്ടെ എല്ലാ പാക്കിസ്ഥാനി, ബംഗ്ലാദേശി, അഫ്ഗാനി സ്വദേശികള്ക്ക് പൗരത്വം നല്കണമെന്ന് ആവശ്യപ്പെട്ടാണ്. മലയാള മാധ്യമങ്ങള് പ്രതിഷേധം കനക്കുന്നു എന്ന് പറയുമ്പോള് രണ്ടും ഒന്നാണെന്ന് തെറ്റിദ്ധരിക്കരുതെന്നും സെന്കുമാര് ഫേസ്ബുക്ക് പോസ്റ്റിലൂടെ വ്യക്തമാക്കി.
ഫേസ്ബുക്ക് പോസ്റ്റിന്റെ പൂര്ണരൂപം- അസാമില് പ്രതിഷേധം നടക്കുന്നത് ആര്ക്കും ഇന്ത്യന് പൗരത്വം കൊടുക്കരുത് എന്നാവശ്യപ്പെട്ടാണ് ! കേരളത്തിലാവട്ടെ പ്രതിഷേധം എല്ലാ പാകിസ്ഥാനി ,ബംഗ്ലാദേശി , അഫ്ഗാനികള്ക്കും പൗരത്വം നല്കണം എന്നാവശ്യപ്പെട്ടാണ്! മലയാള മാധ്യമങ്ങള് പ്രതിഷേധം കനക്കുന്നു എന്ന് പറയുമ്പോള് രണ്ടും ഒന്നാണെന്ന് തെറ്റിദ്ധരിക്കരുത് !!
