കോട്ടയം: സമൂഹമാധ്യമത്തിലൂടെ ജന്മഭൂമി പത്രത്തെ അവഹേളിക്കുന്നതിനെതിരെ കോട്ടയം ജില്ലാ പോലീസ് മേധാവിക്ക് പരാതി നല്കി. ‘എന്റെ നാട് പരിപ്പ്’ എന്ന വാട്സാപ്പ് ഗ്രൂപ്പിലൂടെയാണ് വ്യാജ പ്രചാരണം.
ജന്മഭൂമി പത്രം പ്രസിദ്ധീകരിച്ചതെന്ന് തോന്നിപ്പിക്കും വിധം വ്യാജമായി ചമച്ചുണ്ടാക്കിയ വാര്ത്തകള് ചേര്ത്ത് പത്രത്തിന്റെ മാസ്റ്റ് ഹെഡ് ഉള്പ്പെടുത്തി തയാറാക്കിയ പേജാണ് സോഷ്യല് മീഡിയ വഴി പ്രചരിപ്പിക്കുന്നത്. ഇത് പത്രത്തിന്റെ സല്പ്പേരും പാരമ്പര്യവും തകര്ക്കാനുള്ള ശ്രമത്തിന്റെ ഭാഗമാണെന്നും പരാതിയില് ചൂണ്ടിക്കാട്ടി. 1975ന് ശേഷം പ്രസിദ്ധീകരണം ആരംഭിച്ച ജന്മഭൂമിയെ 1947 ആഗസ്റ്റ് 15ന് പ്രസിദ്ധീകരിച്ചതെന്ന് കാണിച്ചാണ് വ്യാജവാര്ത്ത സൃഷ്ടിച്ചിരിക്കുന്നത്.
ഇത്തരത്തില് പ്രചാരണം നടത്തുന്ന വാട്സ് ആപ്പ് കൂട്ടായ്മക്കെതിരെ നിയമ നടപടി സ്വീകരിക്കണമെന്ന് ജന്മഭൂമി കോട്ടയം യൂണിറ്റ് മാനേജര് നല്കിയ പരാതിയില് ആവശ്യപ്പെട്ടു. ബിനീഷ് ടി. വാസുവിന്റെ പേരിലുള്ള 8547673308 എന്ന വാട്സ് ആപ്പ് നമ്പറിലൂടെയാണ് പ്രചാരണമെന്നും പരാതിയില് പറയുന്നു.
