മുംബൈ: ഉദ്ദവ് താക്കറെ മഹാരാഷ്ട്ര മുഖ്യമന്ത്രിയായി സത്യപ്രതിജ്ഞ ചെയ്ത് രണ്ടാഴ്ച കഴിഞ്ഞപ്പോള്‍ ശിവസേന-എന്‍സിപി-കോണ്‍ഗ്രസ് സഖ്യ സര്‍ക്കാര്‍ മന്ത്രിമാരുടെ വകുപ്പുകളെ കുറിച്ച് ധാരണയിലെത്തി. താക്കറെ മുഖ്യനായ ശിവസേനയ്ക്ക് ആഭ്യന്തര, നഗരവികസന വകുപ്പുകളും ലഭിക്കും. അതേസമയം ധനകാര്യ വകുപ്പ് എന്‌സിപിക്കും റവന്യൂ, ഊര്ജം എന്നിവ കോണ്ഗ്രസിനും ലഭിക്കും.
ശിവസേനാ നേതാവ് ഏക്‌നാഥ് ഷിന്‍ഡെയാണ് മഹാരാഷ്‌ട്രാ ആഭ്യന്തര മന്ത്രി. സുപ്രധാന വകുപ്പുകളായ നഗര വനം, പരിസ്ഥിതി, ജലസംരക്ഷണം, ശുചിത്വം, ടൂറിസം, മണ്ണ്, ജല സംരക്ഷണം, പാര്‍ലമെന്ററികാര്യം എന്നീ വകുപ്പുകളും അദ്ദേഹത്തിനു കീഴിലാകും. ശിവസേനയിലെ സുഭാഷ് ദേശായിക്കാവും വ്യവസായം, ഉന്നത വിദ്യാഭ്യാസം, സാങ്കേതിക വിദ്യാഭ്യാസം, സ്‌പോര്ട്‌സ്, യുവജനക്ഷേമം, കൃഷി, ഗതാഗതം, തൊഴിലുറപ്പ് എന്നീ മന്ത്രാലയങ്ങളുടെ ചുമതല.
എന്‍സിപിക്ക് നേതാവ് ജയന്ത് പാട്ടീലിനു ധനവക്കുപ്പിനു പുറമെ ഭവന നിര്‍മാണം, ആരോഗ്യം, തൊഴില്, ന്യൂനപക്ഷ ക്ഷേമം എന്നിവയുടെ ചുമതലയും ഉണ്ടാകും. നഗര വികസനം, ജലവിഭവം, സാമൂഹ്യക്ഷേമം, ഭക്ഷ്യവകുപ്പ് എന്നിവയുടെ ചുമതല എന്‍സിപി നേതാവ് ഛഗന്‍ ഭുജ്ബലിനാകും.
കോണ്‍ഗ്രസ് നേതാവ് ബാലസാഹെബ്‌തോറാട്ടിന് റെവന്യൂമന്ത്രിക്കു പുറമെ മെഡിക്കല്‍ വിദ്യാഭ്യാസം, സ്‌കൂള്‍ വിദ്യാഭ്യാസം, മൃഗസംരക്ഷണം, ക്ഷീരവികസനം, ഫിഷറീസ് എന്നീ മന്ത്രാലയങ്ങളുടെ ചുമതല ലഭിക്കുമ്പോള്‍ നിതിന് റാവത്താവ് പൊതുമരാമത്ത്, ഗോത്രവര്ഗ ക്ഷേമം, വനിതാ – ശിശുവികസനം, ടെക്‌സ്‌റ്റൈല്‌സ്, പിന്നാക്ക ക്ഷേമം എന്നീ വകുപ്പുകളുടെ ചുമതലയുള്ള മന്ത്രിയാകും. നവംബര് 28നാണ് ഉദ്ധവ് താക്കറെ സര്‍ക്കാര്‍ ആറ് മന്ത്രിമാര്‍ക്കൊപ്പം സത്യപ്രതിജ്ഞ ചെയ്ത് അധികാരമേറ്റത്.
