തിരുവനന്തപുരം: കാര്യവട്ടം ഗ്രീന്ഫീല്ഡ് സ്റ്റേഡിയത്തില് നടക്കുന്ന രണ്ടാം ട്വന്റി20 മത്സരത്തിന്റെ പേരില് വന് പാര്ക്കിങ് കൊള്ള. മത്സരം കാണാനെത്തുന്നവരുടെ വാഹനങ്ങള് പാര്ക്ക് ചെയ്യാനായി കാര്യവട്ടം യൂണിവേഴ്സിറ്റി ക്യാംപസ്, കാര്യവട്ടം ബിഎഡ് കോളെജ്, എല്എന്സിപി ക്യാംപസ് എന്നിവിടങ്ങളിലാണ് സൗകര്യമൊരുക്കിയിരുന്നത്. ഇരുചക്രവാഹനങ്ങള്ക്കായി സ്റ്റേഡിയത്തിലെ രണ്ടു പാര്ക്കിങ് ഗ്രൗണ്ടുകളും സജ്ജീകരിച്ചിരുന്നു. എന്നാല്, യൂണിവേഴ്സിറ്റിയുടെ സ്ഥലങ്ങളില് വാഹനം പാര്ക്ക് ചെയ്യാന് വന്തുകയാണ് മുന്നറിയിപ്പില്ലാതെ ഈടാക്കുന്നത്. കാറുകള്ക്ക് 250 രൂപയും ബൈക്കുകള്ക്ക് 100 രൂപയുമാണ് ചാര്ജ്. യൂണിവേഴ്സിറ്റി ഡെപ്യൂട്ടി രജിസ്ട്രാറുടെ പേരിലാണ് പാര്ക്കിങ് കൊള്ള. ഒറ്റലൈന് ട്രാഫിക് മാത്രമുള്ള രീതിയിലാണ് വാഹനങ്ങള് കടത്തി വിടുന്നത്.
പാര്ക്കിങ്ങിനായി പ്രവേശിക്കും മുന്പ് മുന്നറിയിപ്പാതെ വന്തുക ഈടാക്കുന്നതോടെ തിരിച്ചുപോകാന് ഗത്യന്തരമില്ലാതെ ഭൂരിപക്ഷും തുക നല്കാന് നിര്ബന്ധിതാരവുകയാണ്. ഇതിനെതിരേ പ്രതിഷേധവും ശക്തമാണ്. ഇതുവരെ നടന്ന മത്സരങ്ങള്ക്കൊന്നും ഇത്തരത്തില് പാര്ക്കിങ് ഫീസ് ഈടാക്കിയിരുന്നില്ല. കേരള ക്രിക്കറ്റ് അസോസിയേഷനും ഇതു സംബന്ധിച്ച അറിയിപ്പ് കളി കാണാന് എത്തുന്നവര്ക്ക് നല്കിയിരുന്നില്ല. നല്ല തുക നല്കി ടിക്കറ്റ് സ്വന്തമാക്കിയാവര് പാര്ക്കിങ്ങിന് കൂടി വലിയ തുക നല്കേണ്ടവരുന്നതിലാണ് പ്രതിഷേധമുയരുന്നത്. കാലാവസ്ഥ അനുകൂലമായതോടെ കാണികളുടെ ഒഴുക്കാണ് സ്റ്റേഡിയത്തിലേക്ക്. മത്സരത്തിനായി ഇരുടീമികളും കോവളം ഹോട്ടലില് നിന്ന് ഗ്രൗണ്ടിലേക്ക് തിരിച്ചിട്ടുണ്ട്.
