മുംബൈ: എന്സിപി-കോണ്ഗ്രസ്-ശിവസേന സഖ്യത്തില് മഹരാഷ്ട്രയില് സര്ക്കാര് രൂപീകരണം. അതിലൂടെ ബിജെപിക്ക് തിരിച്ചടി നല്കണം. സോണിയയുടെയും സംഖത്തിന്റേയും ഈ മോഹങ്ങളാണ് ബിജെപി-എന്സിപി സഖ്യത്തില് മഹാരാഷ്ടയില് പിറവിയെടുത്ത സര്ക്കാരിലൂടെ പൊലിഞ്ഞത്. കിട്ടുമെന്നുറച്ചിച്ചിരുന്ന അധികാരം കൈയില് നിന്ന് വഴുതിപോയെന്ന് നെഹ്റു കുടുംബത്തിന് ഇപ്പോഴും വിശ്വസിക്കാനാകുന്നില്ല. അതിന്റെ തെളിവാണ് മുതിര്ന്ന കോണ്ഗ്രസ് നേതാവ് അഭിഷേക് മനു സിങ്വിയുടെ ട്വിറ്ററിലൂടെയുള്ള വാക്കുകള്.
മഹാരാഷ്ട്രയിലെ സര്ക്കാര് രൂപീകരണത്തെ കുറിച്ചുള്ള വാര്ത്ത താന് വായിച്ചിരുന്നു. അത് വ്യാജ വാര്ത്തയാകാതെ തരമില്ലെന്നാണ് തനിക്ക് തോന്നുന്നത്. മനസ്സ് തുറന്നും വ്യക്തിപരമായും പറയുകയാണെങ്കില് മൂന്ന് പാര്ട്ടികളും തമ്മില് സര്ക്കാര് രൂപീകരണമെന്ന തീരുമാനത്തിന് മൂന്ന് ദിവസത്തില് കൂടുതല് സമയമെടുക്കാന് പാടില്ലായിരുന്നു. തീരുമാനമെടുക്കാന് കൂടുതല് സമയമെടുത്തു. അതിനുള്ളില് അതിവേഗ നീക്കം നടത്തുന്നവര് അധികാരം പിടിച്ചെടുത്തു. സര്ക്കാര് രൂപീകരണമെന്ന വാര്ത്ത ശരിയാണെന്നതിന് ഉറപ്പില്ല. ശരിയാണെങ്കില് ആശ്ചര്യമാണെന്നും സിങ്വി ട്വിറ്ററില് കുറിച്ചു.
അന്ത്യന്തം നാടകീയമായ രംഗങ്ങള്ക്ക് ഒടുവിലാണ് ബിജെപി മഹരാഷ്ട്രയില് സര്ക്കാര് സര്ക്കാര് രൂപീകരിച്ചത്. ശിവസേന മേധാവി ഉദ്ധവ് താക്കറെ മുഖ്യമന്ത്രിയായി ഇന്ന് ചുമതലയേല്ക്കുമെന്ന വാര്ത്ത പുറത്തുവന്നിരുന്നതാണ്. എന്നാല് അതെല്ലാം തള്ളിക്കൊണ്ട് ബിജെപി തന്നെ അധികാരത്തില് എത്തുകയായിരുന്നു.
ശിവസേന- എന്സിപി- കോണ്ഗ്രസ് സഖ്യം സര്ക്കാര് രൂപീകരിക്കുമെന്നാണ് മാധ്യമങ്ങള് വാര്ത്ത പുറത്തുവിട്ടത്. സര്ക്കാര് രൂപീകരണത്തിനും മുഖ്യമന്ത്രി പദത്തിനുമായി ശിവസേന കോണ്ഗ്രസും എന്സിപിയുമായി ദീവസങ്ങളായി ചര്ച്ച നടത്തി വരികയായിരുന്നു. എന്സിപിയുടെ അജിത് പവാര് ഉപമുഖ്യമന്ത്രിയായും സത്യപ്രതിജ്ഞ ചെയ്തു.
