ന്യൂദല്ഹി : റഫാല് പുനഃപരിശോധനാ ഹര്ജിയില് സുപ്രീംകോടതി നാളെ വിധി പ്രസ്താവിക്കും. സുപ്രീംകോടതി ചീഫ് ജസ്റ്റിസ് രഞ്ജന് ഗൊഗോയ് അധ്യക്ഷനായ ബെഞ്ച് വാദം പൂര്ത്തിയാക്കിയ ശേഷം കേസ് വിധി പ്രസ്താവനയ്ക്കായി മാറ്റിവെയ്ക്കുകയായിരുന്നു. ചീഫ് ജസ്റ്റിസ് വിരമിക്കുന്ന സാഹചര്യത്തിലാണ് വ്യാഴാഴ്ച വിധി പ്രസ്താവിക്കുന്നത്.
റഫാല് കേസില് സുപ്രീംകോടതി ആദ്യം ക്ലീന്ചിറ്റ് നല്കിയതാണ്. കേസില് അന്വേഷണത്തിന്റെ ആവശ്യമില്ലെന്നും അറിയിച്ചിരുന്നു. എന്നാല് ഈ വിധിയെ ചോദ്യം ചെയ്ത് പ്രതിപക്ഷ പാര്ട്ടികള് പുനഃപരിശോധനാ ഹര്ജി നല്കുകയായിരുന്നു.
ശബരിമല പുനഃപരിശോധനാ ഹര്ജികളിലും വ്യാഴാഴ്ചയാണ് വിധി പ്രസ്താവിക്കുന്നത്. ചീഫ് ജസ്റ്റിസ് വാദം കേട്ട പല സുപ്രധാന കേസുകളിലും ഈയാഴ്ച ഉത്തരവ് പുറത്തുവരുന്നതാണ്.
