തിരുവനന്തപുരം; മാവോയിസ്റ്റ് ബന്ധം തെളിഞ്ഞതിനെ തുടര്ന്ന് സിപിഎം ബ്രാഞ്ച് കമ്മിറ്റി അംഗം അറസ്റ്റിലായതില് പ്രതിഷേധവുമായി ശബരിമല വിഷയത്തില് വിവാദ പരാമര്ശവുമായി എത്തി ലക്ഷ്മി രാജീവ്. മാവോയിസ്റ്റ് ബന്ധത്തില് അറസ്റ്റിലായത് നമ്മുടെ വീട്ടിലെ ടീനേജര് ആണെന്നും അറസ്റ്റില് അതിശക്തമായി പ്രതിഷേധിക്കുന്നെന്നും ലക്ഷ്മി. ലോക്നാഥ് ബെഹ്റ എന്ന പോലീസ് ചീഫ് ആദ്യം അഴിച്ചു കളയേണ്ടത് കൈയില് കെട്ടിയിരിക്കുന്ന നൂറു സംഘി ചരടാണ്. ആ തൊപ്പി എടുത്തു കളയേണ്ടത് മുഖ്യമന്ത്രിയും.അല്ലെങ്കില് ഈ നാട് നശിക്കുമെന്നും ലക്ഷ്മി രാജീവ് അറസ്റ്റിലായ പ്രതിയുടെ ചിത്രസഹിതം ഫേസ്ബുക്കില് കുറിച്ചു. നേരത്തേ, ശബരിമല യുവതി പ്രവേശന വിധിയുമായി ബന്ധപ്പെട്ട് വിശ്വാസ പ്രതിഷേധം നടക്കുമ്പോള് വിവാദ പരമാര്ശവുമായി ലക്ഷ്മി രംഗത്ത് എത്തിയിരുന്നു. താന് യുവതി ആയിരിക്കെ ശബരിമലയില് പോയിട്ടുണ്ടെന്നും തന്ത്രിമാര്ക്കും മേല്ശാന്തിമാര്ക്കും അതറിയമായിരുന്നു എന്നതടക്കം ആയിരുന്നു അന്നത്തെ വിവാദപരാമര്ശം.
ലക്ഷ്മി രാജീവിന്റെ ഫേസ്ബുക്ക് പോസ്റ്റിന്റെ പൂര്ണരൂപം- മാവോയിസ്റ്റ് ലഘുലേഖ കയ്യില് ഉണ്ടായിരുന്നു എന്ന പേരില് യുഎപിഎ ചുമത്തി അലന് ശുഐബ് നെ ഇന്നലെ പൊലീസ് അറസ്റ്റ് ചെയ്തു. അതിശക്തമായി ഈ അറസ്റ്റില് പ്രതിഷേധിക്കുന്നു.നമ്മുടെ കുടുംബത്തിലെ ഒരു ടീനേജറെ ആണ് ഒരു മാവോയിസ്റ്റ് നോട്ടീസിന്റെ ഒരു കോപ്പി കയ്യില് കണ്ടു എന്ന പേരില് അറസ്റ്റ് ചെയ്ത്, ഇരുമ്പ് വിലങ്ങിട്ട് രാവിലെ നാലു മണിക്ക് പൊലീസ് വീട്ടില് കൊണ്ട് വന്നതെങ്കിലോ? കേരളം സംഘര്ഷ ഭൂമി ആക്കാന് ശ്രമിക്കുന്നവര് ഏതാണ്ട് അതിനോട് അടുക്കുകയാണ്.
ശബരിമലയില് ആക്രമണം നടത്തിയ ക്രിമിനലുകളില് ഒരാളുടെ ദേഹത്ത് ഒരു തരി മണ്ണ് പോലും വീഴാതെ കാത്ത കേരള പോലീസ് ഈ കുട്ടിയെ എന്തിനാണ് അറസ്റ്റ് ചെയ്യുന്നത്?ഇടതു പക്ഷ പ്രസ്ഥാനത്തിനകത്തു സംഘര്ഷം ഉണ്ടാക്കാനും തന്മൂലം ഭരണം അസ്വസ്ഥപ്പെടുത്താനും ഇത്തരത്തിലുള്ള അറസ്റ്റുകള് കാരണമാകുന്നു എന്ന് മുഖ്യമന്ത്രി അറിയേണ്ടതാണ്.ലോക്നാഥ് ബെഹ്റ എന്ന പോലീസ് ചീഫ് ആദ്യം അഴിച്ചു കളയേണ്ടത് കൈയില് കെട്ടിയിരിക്കുന്ന നൂറു സംഘി ചരടാണ്. ആ തൊപ്പി എടുത്തു കളയേണ്ടത് മുഖ്യമന്ത്രിയും. അല്ലെങ്കില് ഈ നാട് നശിക്കും.
