ബെയ്റൂട്ട്: ഇസ്ലാമിക് സ്റ്റേറ്റ് തലവന് അബൂബക്കര് അല്ബാഗ്ദാദിയുടെ മരണത്തെ തുടര്ന്ന് പുതിയ തലവനെ പ്രഖ്യാപിച്ചു. ഐഎസ് പുറത്ത് വിട്ട ശബ്ദ സന്ദേശത്തിലാണ് ഇക്കാര്യം വ്യക്തമാക്കുന്നത്. അല്ബാഗ്ദാദിയുടെ മരണ സ്ഥിരീകരിച്ച ഐഎസ്, അബു ഇബ്രാഹിം അല് ഹാഷിമി അല് ഖുറേഷിയെ പുതിയ തലവനായി പ്രഖ്യപിക്കുകയായിരുന്നു. നാലു ദിവസം മുമ്പാണ് ഐഎസ് തലവനെ വധിച്ചുവെന്ന അമേരിക്കയുടെ പ്രഖ്യാപിച്ചത്.
‘വിശ്വാസികളുടെ നേതാവേ, അങ്ങയുടെ വിയോഗത്തില് ഞങ്ങള് വിലപിക്കുന്നു’ എന്ന് പറഞ്ഞാണ് ശബ്ദസന്ദേശം ആരംഭിക്കുന്നത്. ഐഎസ് വക്താവായി അവതരിപ്പിക്കപ്പെടുന്ന അബു ഹംസ അല് ഖുറേഷിയുടേതാണ് ശബ്ദസന്ദേശം. അല് ബാഗ്ദാദിക്കൊപ്പം മുന് വക്താവ് അബു ഹസന് അല് മുജാഹിര് കൊല്ലപെട്ടതായും ഐഎസ് വ്യക്തമാക്കി. അമേരിക്കയേയും ഡൊണാള്ഡ് ട്രംപിനേയും ശബ്ദസന്ദേശത്തിലുടെ ഐഎസ് വെല്ലുവിളിക്കുകയും ചെയ്തു. അമേരിക്ക കൂടുതല് സന്തോഷിക്കേണ്ടെന്നും സൂക്ഷിച്ചോളാനുമാണ് വെല്ലുവിളി
