തിരുവനന്തപുരം: പ്രതിഷേധം ശക്തമായതോടെ വാളയാര് കേസില് ഇടപെടുമെന്ന് ഗവര്ണര് മുഹമ്മദ് ആരിഫ് ഖാന്. പ്രശ്നം താന് നിരീക്ഷിച്ചു വരികയാണ്. ഇക്കാര്യം സംബന്ധിച്ച് സര്ക്കാരിനോട് റിപ്പോര്ട്ട് തേടുമെന്നും അദേഹം വ്യക്തമാക്കി. അട്ടപ്പാടിയില് മാവോയിസ്റ്റുകള് കൊല്ലപ്പെട്ട സംഭവത്തില് ഇത് വരെ നിയമ ലംഘനം ഉണ്ടായതായി റിപ്പോര്ട്ട് ലഭിച്ചിട്ടില്ലെന്നും ഗവര്ണര് പറഞ്ഞു. നിയമ ലംഘനം ഉണ്ടായാല് ഇടപെടുമെന്നും ആവശ്യമെങ്കില് വിശദമായ അന്വേഷണം നടത്തുമെന്നും അദ്ദേഹം വ്യക്തമാക്കി. അതേ സമയം എന്ത് നടപടി എടുത്താലും നാട്ടിലെ നിയമം അനുസരിച്ച് ആയിരിക്കണം എന്നും അദ്ദേഹം വ്യക്തമാക്കി.
വാളയാര് കേസില് തുടക്കം മുതല് അട്ടിമറിയുണ്ടായെന്ന ആരോപണം ഇന്നലെ ദേശീയ പട്ടിക ജാതി കമ്മീഷനും ഉന്നയിച്ചിരുന്നു. പട്ടിക ജാതി കമ്മീഷന് പുറമെ ദേശീയ ബാലാവകാശ കമ്മീഷനും കേസില് ഇടപെട്ടു. നാളെ വാളയാറിലെത്തി ബാലാവകാശ കമ്മീഷന് അംഗങ്ങള് മൊഴിയെടുക്കാനിരിക്കയാണ്. ദേശീയ കമ്മീഷനുകള് ഇടപെട്ടതിന് പിന്നാലെ സംസ്ഥാന പട്ടിക ജാതി പട്ടിക വര്ഗ കമ്മീഷനും വാളയാറില് സ്വമേധയാ കേസെടുത്തിരുന്നു.
ദളിത് പെണ്കുട്ടികള് ക്രൂരമായി പീഡനത്തിന് ഇരയായി ദുരൂഹ സാഹചര്യത്തില് മരിച്ച കേസില് ഇടപെടുമെന്ന് ദേശിയ പട്ടികജാതി കമ്മിഷന് ചെയര്മാന് എല്. മുരുകന് വ്യക്തമാക്കി. സംഭവത്തില് പ്രോസിക്യൂഷന് ഭാഗത്തെ ജാഗ്രതക്കുറവിനെക്കുറിച്ചും പോലീസ് അന്വേഷണത്തിലെ വീഴ്ചയെക്കുറിച്ചും അന്വേഷിക്കുമെന്ന് അദേഹം വാളയാര് പെണ്കുട്ടികളുടെ വീട്ടില് സന്ദര്ശിച്ചശേഷം അദേഹം പറഞ്ഞു.
പ്രശ്നം ഏറെ ഗൗരവത്തോടെയാണ് കാണുന്നത്. ദക്ഷിണേന്ത്യയുടെ ചുമതലയുള്ള കമ്മീഷന് ഉപാധ്യക്ഷനാകും ആരോപണങ്ങള് പരിശോധിക്കുക. വേണ്ടി വന്നാല് ചീഫ് സെക്രട്ടറിയേയും ഡിജിപിയെയും ഡല്ഹിയിലേക്ക് വിളിച്ചുവരുത്തുമെന്നും കമ്മിഷന് അറിയിച്ചു. കേസില് ഇടപെടുമെന്ന് ദേശീയ ബാലാവകാശ കമ്മിഷനും അറിയിച്ചിട്ടുണ്ട്. വിഷയം കമ്മീഷന്റെ ലീഗല് സെല് പരിശോധിക്കുമെന്ന് ചെയര്മാന് പ്രിയങ്ക് കനൂഖോ ട്വിറ്ററിലൂടെ വ്യക്തമാക്കി.
