കൊച്ചി : വാളയാര് കേസിന്റെ നടത്തിപ്പില് വീഴ്ചപറ്റിയെന്നു മന്ത്രി ജെ.മേഴ്സിക്കുട്ടിയമ്മ. മുഖ്യമന്ത്രിക്കും അതു ബോധ്യപ്പെട്ടതുകൊണ്ടാണ് വിഷയതില് ന്യായീകരിക്കാത്തതെന്നും മന്ത്രി പറഞ്ഞു. സ്വകാര്യ മാധ്യമത്തോടാണ് ഇക്കാര്യം വെളിപ്പെടുത്തിയത്.
കേസ് നടത്തിപ്പില് പോലീസിനാണോ, പ്രോസിക്യൂഷനാണോ വീഴ്ച്ച പറ്റിയതെന്ന് പരിശോധിക്കും. അതിനുശേഷം തുടര് നടപടികള് സ്വീകരിക്കുമെന്നും അവര് കൂട്ടിച്ചേര്ത്തു.
അതേസമയം കേസ് പരാജയപ്പെട്ടതല്ല മന്ത്രി എ.കെ ബാലന് അട്ടിമറിച്ചതാണെന്ന് ബിജെപി സംസ്ഥാന സെക്രട്ടറി കെ. സുരേന്ദ്രന് ആരോപിച്ചു. കേസന്വേഷണം കേന്ദ്ര ഏജന്സിയെ ഏല്പ്പിക്കണമെന്നും എ.കെ. ബാലന് അറിയിച്ചു. പ്രതികളെ രക്ഷിക്കാന് സിപിഎം പ്രാദേശിക നേതാക്കള് ശ്രമിച്ചുവെന്ന് റിപ്പോര്ട്ടുകള് പുറത്തുവന്നിരുന്നു. ഇതിന്റെ അടിസ്ഥാനത്തിലായിരുന്നു പ്രതികരണം.
അതിനിടെ വാളയാര് കേസില് സിബിഐ അന്വേഷണമാണോ, പുനരന്വേഷണമാണോ വേണ്ടതെന്ന് ആലോചിച്ച് തീരുമാനിക്കുമെന്ന് മുഖ്യമന്ത്രി പറഞ്ഞു.
