തിരുവനന്തപുരം : അനധികൃതമായി ആരാധനാലയങ്ങള് കൈവശം വെച്ചിരിക്കുന്ന സര്ക്കാര് ഭൂമികള് ഏറ്റെടുക്കുന്നു. ആരാധനാലയം പ്രവര്ത്തിക്കുന്നതിന് ആവശ്യമുള്ള ഭൂമി മാത്രം പതിച്ചു നല്കി ബാക്കി ഏറ്റെടുക്കാനാണ് തീരുമാനിച്ചിരിക്കുന്നത്. ഇത്തരത്തില് നല്കുന്ന ഭൂമി മറ്റൊരു ആവശ്യങ്ങള്ക്കും ഉപയോഗിക്കരുതെന്നും സര്ക്കാര് വ്യവസ്ഥ മുന്നോട്ടു വെയ്ക്കുന്നുണ്ട്.
റവന്യൂ വകുപ്പാണ് ഈ തീരുമാനം മുന്നോട്ട് വച്ചത്. ഇതു നടപ്പാക്കാന് ഭൂപതിവ് ചട്ടത്തില് വ്യവസ്ഥയുള്ളതിനാല് സര്ക്കാര് ഉത്തരവിലൂടെ ഇത് മറികടക്കാനാകും. ഇത്തരത്തില് ആരാധനാലയങ്ങള്, വായനശാലകള്, സാംസ്കാരിക സ്ഥാപനങ്ങള്, ശ്മശാനങ്ങള് എന്നിവയുടെ കൈവശപ്പെടുത്തിയ ഭൂമി സര്ക്കാരിലേക്ക് ചേര്ക്കാനാണ് പുതിയ തീരുമാനം.
ഏക്കര്കണക്കിന് സര്ക്കാര് ഭൂമി ഉള്പ്രദേശങ്ങളില് അനധികൃതമായി ആരാധനാലയങ്ങള് അടക്കം വിവിധ സ്ഥാപനങ്ങള് കൈവശം വെയ്ക്കുന്നുണ്ട്. വിസ്തൃതി കുറച്ച് നഗര പ്രദേശങ്ങളിലും ഇത്തരത്തില് ഒരു രേഖയും ഇല്ലാതെ സര്ക്കാര് ഭൂമി കൈയേറിയിട്ടുണ്ട്.
എന്നാല് ആരാധനാലയങ്ങളമടക്കമുള്ള സ്ഥാപനങ്ങളെ ഒഴിപ്പിച്ച് സര്ക്കാര്ഭൂമി മുഴുവന് ഏറ്റെടുക്കുക എളുപ്പമല്ലെന്നാണ് വിലയിരുത്തല്. ഇതേത്തുടര്ന്നാണ് അത്യാവശ്യത്തിനുള്ള ഭൂമി വിട്ടുനല്കുന്നത്. ഇങ്ങനെ ലഭിക്കുന്ന ഭൂമി നിയമാനുസൃതം ആകുമെന്നതാണ് ഇത് കൈവശം വെച്ചിരിക്കുന്ന സ്ഥാപനങ്ങളുടെ നേട്ടം.
