കൊച്ചി : സംവിധായകന് ശ്രീകുമാര് മോനോന് എതിരായ പരാതിയില് ഇടപെടാന് പരിമിതിയുണ്ടെന്ന് അമ്മ ജനറല് സെക്രട്ടറി ഇടവേള ബാബു. തൊഴില് പരമായി മഞ്ജു വാര്യര്ക്കുവേണ്ട എല്ലാ പിന്തുണയും അമ്മ നല്കും. എന്നാല് നടി പോലീസില് നല്കിയ പരാതിയില് ഇടാന് സാധിക്കില്ലെന്നും ഇടവേള ബാബു അറിയിച്ചു.
ക്രിമിനല്കേസുകളില് ഇടപെടുന്നതില് സംഘടനയ്ക്ക് പരിമിതിയുണ്ട്. അതില് പിന്തുണ തേടി മഞ്ജു അയച്ച കത്ത് കിട്ടിയെന്നും ഇടവെള ബാബു അറിയിച്ചു. അതേസമയം വിഷയത്തില് ഇടപെടാന് ആകില്ലെന്ന്് ഫെഫ്കയും അറിയിച്ചു. വിഷയത്തില് അനുകൂലിക്കണമെന്നാവശ്യപ്പെട്ട മഞ്ജു വാര്യര് ഫെഫ്കയ്ക്കും കത്ത് അയച്ചിട്ടുണ്ട്യ ശ്രീകുമാര് മേനോന് ഇതുവരെ ഫെഫ്ക അംഗമല്ല. അതിനാല് വിവാദത്തില് ഇടപെടാന് ആകില്ലെന്ന് ഫെഫ്ക ജനറല് സെക്രട്ടറി ബി. ഉണ്ണികൃഷ്ണനും അറിയിച്ചു.
ശ്രീകുമാര് മേനോന് നിരന്തരം ഭീഷണിപ്പെടുത്തുന്നുവെന്നും അപായപ്പെടുത്താന് ശ്രമിക്കുന്നുവെന്നും ചൂണ്ടിക്കാട്ടി തിങ്കളാഴ്ച്ചയാണ് മഞ്ജു വാര്യര് പോലീസ് ആസ്ഥാനത്തെത്തി ഡിജിപിക്ക് പരാതി നല്കിയത്. ശ്രീകുമാര് മേനോനെതിരായ പരാതിയില് ഇന്ന് രാവിലെയാണ് മഞ്ജു വാരിയര് ഫെഫ്കയുടെ പിന്തുണ തേടിയത്. അതിനിടെ പരാതി നല്കിയ സംഭവത്തില് ശ്രീകുമാര് മേനോന് എഫ്ബിയിലൂടെ മഞ്ജു വാര്യറിനെ രൂക്ഷമായി വിമര്ശിച്ചു.
വീട്ടില് നിന്ന് ഇറങ്ങുമ്പോള് 1500 രൂപ മാത്രമേ ബാങ്കില് ഉള്ളൂ എന്ന് ആശങ്കപ്പെട്ട മഞ്ജുവിന് പരസ്യം ചെയ്യുന്നതിന് 25 ലക്ഷം രൂപയുടെ ചെക്ക് കൈയില് വെച്ചു നല്കി. തന്റെ ബുദ്ധി ഉപയോഗിച്ച് ഒട്ടേറെ അവസരങ്ങളും നേട്ടവും ഉണ്ടാക്കി ഉപകാര സ്മരണപോലും കാണിക്കാത്ത വിധത്തിലാണ് മഞ്ജുവിന്റെ ഈ നടപടിയെന്ന് രൂക്ഷമായി വിമര്ശിക്കുന്നതായിരുന്നു ശ്രീകുമാര് മേനോന്റെ എഫ്ബി പോസ്റ്റ്.
ഇതുമായി ബന്ധപ്പെട്ട് നിരവധി പ്രമുഖരും രംഗത്ത് എത്തിയിട്ടുണ്ട്. മഞ്ജു വാര്യരുടെ പരാതി പരിശോധിച്ച ശേഷം നടപടിയെടുക്കുമെന്ന് ഡിജിപി ലോക്നാഥ് ബെഹ്റ അറിയിച്ചു. പോലീസ് ആസ്ഥാനത്തെ പ്രത്യേക സംഘം പരാതി പരിശോധിക്കുമെന്നും തുടര് നടപടി പ്രാഥമിക അന്വേഷണത്തിന് ശേഷമെന്നും അദ്ദേഹം പറഞ്ഞു.
