തിരുവനന്തപുരം:സാധാ വിമാനവേധ തോക്കുപയോഗിച്ച് അതിര്ത്തി കടന്നെത്തിയ പാക്ക് വിമാനങ്ങളെ തകര്ത്ത രാമസ്വാമി ചെട്ടിയാര്(78) വിടവാങ്ങി. ഇന്തോ-പാക്ക് യുദ്ധവിജയത്തിന്റെ താളുകളില് എറെ തെളിമയോടെ സൈന്യം കോറിയിട്ട പേരാണ് സുബേദാര് മേജര് ഓണറ്റി ക്യാപ്റ്റന് രാമസ്വാമി ചെട്ടിയാര്. 1971ലെ യുദ്ധത്തില് ഇന്ത്യന് അതിര്ത്തി കടന്നെത്തിയ പാക്കിസ്ഥാന്റെ അത്യാധുനിക വിമാനം സാധാ വിമാനവേധ തോക്ക് ഉപയോഗിച്ച് തകര്ത്ത രാമസ്വാമി ചെട്ടിയാരെ രാജ്യം വീരചക്ര മെഡല് നല്കി ആദരിച്ചു.
അതിര്ത്തിയില് ഭീകരത പടര്ത്തി റഡാറുകളുടെ കണ്ണു വെട്ടിച്ചാണ് പാക്കിസ്ഥാന്റെ അമേരിക്കന് നിര്മിത യുദ്ധവിമാനങ്ങള് ഇന്ത്യന് അതിര്ത്തി കടന്നത്. ഇന്ത്യ ആവശ്യമായ തയ്യാറെടുപ്പുകളൊന്നും നടത്തിയിരുന്നില്ല. എന്നാല് രാമസ്വാമിയുടെ നേതൃത്വത്തിലുള്ള ആറംഗ സംഘം ഈ വിമാനങ്ങള്ക്കു നേരെ വെടിയുതിര്ക്കുവാന് ആരംഭിച്ചു. സാധാ വിമാനവേധ തോക്കുപയോഗിച്ചുള്ള രാമസ്വാമിയുടെ വെടിയേറ്റ് പാക്ക് വിമാനങ്ങള് തകര്ന്നു വീണു. ഇതുകണ്ട് ഭയന്നുപോയ മറ്റുപാക്ക് വിമാനങ്ങള് ഉടന്തന്നെ സ്ഥലം വിട്ടു. തങ്ങള് നിര്മിച്ച വിമാനങ്ങള് വെറും സാധാ തോക്കുകൊണ്ടുള്ള വെടിയേറ്റ് തകര്ന്നു പോയതില് അമേരിക്കയും ഞെട്ടി.
ഇന്ത്യന് ഹീറോ ആയ രാമസ്വാമിയുടെ ധീരത വിദേശ മാധ്യമങ്ങളും ആഘോഷിച്ചു. ചെട്ടിയാരെ ആദരിക്കാന് അന്നതെ രാഷ്ട്രപതി വി വി ഗിരിയാണ് വീരചക്ര നല്കിയത്. തിരുവനന്തപുരം ഇസിഎച്ച് , തിരുവനന്തപുരം സൈനിക ബോര്ഡ് സ്റ്റേഷന് കമാന്ഡര് തുടങ്ങിയവര് വീട്ടിലെത്തി അദ്ദേഹത്തിനു ആദരാഞ്ജലികള് അര്പ്പിച്ചു.
