ചെന്നൈ: പ്രമുഖ ഓണ്ലൈന് ഭക്ഷണവിതരണ സേവനദാതാക്കളായ സൊമാറ്റോയ്ക്ക് ഒരു ലക്ഷം രൂപ പിഴ ചുമത്തി ആരോഗ്യവകുപ്പ്. ഡെങ്കിപ്പനിക്ക് കാരണമാകുന്ന ഈഡിസ് കൊതുകുകള് ധാരാളമായി വളരാന് സാഹചര്യമൊരുക്കിയെന്ന കാരണത്താലാണ് പിഴ. തമിഴ്നാട്ടില് ഡെങ്കിപ്പനി വ്യാപകമായ സാഹചര്യത്തില് നടത്തിയ അന്വേഷണത്തിലാണ് മക്നിക്കോളാസ് റോഡിലുള്ള സൊമാറ്റോയുടെ ഓഫീസ് കേട്ടിടത്തിന്റെ ടെറസില് കൊതുകുകള് ധാരാളമായി പെറ്റുപെരുകുന്നത് കണ്ടെത്തിയത്.
ഭക്ഷണം വിതരണം ചെയ്യുന്ന ഡെലിവറി ബാഗുകളില് മഴവെള്ളം നിറഞ്ഞുനില്ക്കുകയും അതില് കൊതുകുകള് നിറഞ്ഞിരിക്കുന്നതുമാണ് അധികൃതര് കണ്ടെത്തിയത്. ഇതിനെ തുടര്ന്നാണ് ഒരു ലക്ഷം രൂപ പിഴയിട്ടത്. പിഴ ഉടന് അടയ്ക്കാമെന്നും പരിസരം വൃത്തിയാക്കി സൂക്ഷിച്ചോളമെന്നും സൊമാറ്റോ അധികൃതര് വ്യക്തമാക്കി.
