പത്തനംതിട്ട: കോന്നിയിലെ എന്ഡിഎ സ്ഥാനാര്ത്ഥി കെ സുരേന്ദ്രനെതിരെ വ്യാജ വീഡിയോ ഉണ്ടാക്കി പ്രചരിപ്പിച്ചവര്ക്കെതിരെ അന്വേഷണം ആരംഭിച്ചെന്ന് പോലീസ്. കോന്നിയിലെ ബിജെപി ചീഫ് ഇലക്ഷന് ഏജന്റ് ഹരീഷ് ചന്ദ്രന് ജില്ലാ പോലീസ് അധികൃതര്ക്ക് നല്കിയ പരാതിയുടെ അടിസ്ഥാനത്തിലാണ് പോലീസ് അന്വേഷണം ആരംഭിച്ചത്. എസ്.പിയുടെ നിര്ദേശനാനുസരണം പത്തനംതിട്ട ഡിവൈഎസ്പിയാണ് കേസ് അന്വേഷിക്കുന്നത്. ഇന്നലെ തന്നെ ഫെയ്സ്ബുക്ക് വഴി ഈ വീഡിയോ ആദ്യം പോസ്റ്റ് ചെയ്ത പേജ്, പരാതിയെ തുടര്ന്ന് ഫെയ്സ്ബുക്ക് ബ്ലോക്ക് ചെയ്തിരുന്നു.
ഇതുവരെ ഏകദേശം ഇരുപത്തിയഞ്ചോളം വ്യക്തിഗത പ്രൊഫൈലുകളും 22 പേജുകളും ഫെയ്സ്ബുക്ക് ഭാഗികമായി ബ്ലോക്ക് ചെയിതിരുന്നു. ബിജെപി ഫേസ്ബുക്ക് അധികൃതര്ക്ക് രേഖമൂലം നല്കിയ പരാതിയുടെ അടിസ്ഥാനത്തിലാണ് നടപടി. സിപിഎം കോണ്ഗ്രസ് അനുകൂല പേജുകള്ക്കെതിരെയാണ് ഫേസ്ബുക്ക് നടപടി സ്വീകരിച്ചത്. വ്യാജ വീഡിയോ പ്രചരിപ്പിച്ചവരുടെ ഐഡികള് പലതും താല്ക്കാലികമായി ബ്ലോക്ക് ചെയ്തിട്ടുണ്ടെന്നും ഫേസ്ബുക്ക് അധികൃതര് വ്യക്തമാക്കി.
ശബരിമലയിലും പരിസര പ്രദേശങ്ങളിലും സിസിടിവി ക്യാമറകള് സ്ഥാപിച്ചിട്ടുള്ളത് പോലീസും, ഫോറെസ്റ്റും, ദേവസ്വം ബോര്ഡുമാണ്. ഈ ദൃശ്യങ്ങള് അതീവ രഹസ്യാത്മകത ഉള്ള സുരക്ഷാ കാര്യങ്ങള്ക്കായുള്ളതാണ്. ഇത് ചോര്ത്തി കൊടുത്ത് മോര്ഫ് ചെയ്ത് പ്രചരിപ്പിച്ചതു സുരക്ഷാ വീഴ്ചയില് വന്ന വീഴ്ച വെളിച്ചത്തു കൊണ്ടുവരുന്നതാണ്. തെരെഞ്ഞെടുപ്പ് സമയത്തു ഇത്തരം പ്രവര്ത്തികള് ചെയ്യുന്നത് സ്ഥാനാര്ഥിയെ തേജേവാദം ചെയ്യാനാണെന്നാണ് പരാതിയില് പറയുന്നത്. പോലീസില് ഇത്തരം രഹസ്യ പ്രാധാന്യമുള്ള വിഷയങ്ങള് ചോര്ന്നു പോകുന്നത് ഗൗരവ താരമായ വിഷയമാണെന്നും, ഇത് മോഷ്ടിച്ചു നല്കിയവരെയും, എഡിറ്റു ചെയ്ത് അപകീര്ത്തി പെടുത്തുന്ന തരത്തില് പ്രചരിപ്പിച്ചവരെയും നിയമത്തിനു മുന്നില് കൊണ്ടുവരണമെന്ന് എന്ഡിഎ നല്കിയ പരാതിയില് ആവശ്യപ്പെട്ടു. അഡ്വ ഹരീഷ് ചന്ദ്രന്, അഡ്വ അരുണ് പ്രകാശ് എന്നിവരും പരാതി കൊടുത്ത സംഘത്തിലുണ്ടായിരുന്നു.
