ന്യൂദല്ഹി: മുതിര്ന്ന ഐപിഎസ് ഉദ്യോഗസ്ഥനും അഹമ്മദാബാദ് പോലീസ് കമ്മീഷണറുമായ അനുപ് കുമാര് സിങ്ങിനെ നാഷണല് സെക്യൂരിറ്റി ഗാര്ഡ്സ് (എന്എസ്ജി) ഡയറക്ടര് ജനറലായി കേന്ദ്രസര്ക്കാര് നിയമിച്ചു. പ്രധാനമന്ത്രി നരേന്ദ്ര മോദിയുടെ അധ്യക്ഷതയിലുള്ള മന്ത്രിസഭയുടെ നിയമന സമിതിയാണ് ഇക്കാര്യം പുറത്തുവിട്ടത്.
1984 ബാച്ച് തെലങ്കാന കേഡറിലെ ഐപിഎസ് ഉദ്യോഗസ്ഥനായ സുദീപ് ലക്താകിയ രണ്ടുമാസം മുമ്പ് വിരമിച്ചതിലേക്കാണ് പുതിയ നിയമനം. 1985 ബാച്ച് ഗുജറാത്ത് കേഡറിലെ ഐപിഎസ് ഉദ്യോഗസ്ഥനാണ് അനൂപ് കുമാര് സിങ്.
‘ബ്ലാക്ക് ക്യാറ്റ് കമാന്ഡോസ്’ എന്ന് വിളിക്കുന്ന എന്എസ്ജിയെ ഭീകരവാദ വിരുദ്ധ പ്രവര്ത്തനങ്ങള് നടത്താനാണ് ഉപയോഗിക്കുന്നത്. കേന്ദ്രമന്ത്രിമാര് ഉള്പ്പെടെയുള്ള ചില ഉന്നത വിവിഐപികള്ക്കും അവര് സുരക്ഷ നല്കുന്നു.
