ബല്റാംപൂര്: യുപിയിലെ ബല്റാംപൂരില് നവരാത്രി ആഘോഷങ്ങളുടെ സമാപനത്തിന്റെ ഭാഗമായി നടന്ന ദുര്ഗാപൂജ ഘോഷയ്ക്കിടെ പള്ളിയില് നിന്നു രൂക്ഷമായ കല്ലേറ്. പ്രത്യേക പ്രകോപനങ്ങളില്ലാതെ ദുര്ഗ വിഗ്രഹ നിജ്ജനത്തിനായി പോയ വാഹനങ്ങള്ക്കു നേരേയാണു കല്ലേറുണ്ടായത്. പ്രായമേറിയ ഒരാള് നിലത്തു വീണു കിടക്കുന്നതും ദൃശ്യങ്ങളില് കാണം. കല്ലേറിന്റെ ദൃശ്യങ്ങള് സോഷ്യല് മീഡിയയില് വൈറലായതോടെ വിഷയത്തില് പോലീസ് ഇടപെട്ടു. കേസുമായി ബന്ധപ്പെട്ടു എട്ടു പേര് അറസ്റ്റിലായിട്ടുണ്ട്.
@Uppolice @up100 @balrampurpolice kya karywahi ki gai hai. pic.twitter.com/2Xq8y3Yx6y
— सुशील बाजपेयी अधिवक्ता। (@advocatesushil9) October 8, 2019
ദുര്ഗാ പൂജ വിസര്ജന് ഘോഷയാത്ര ഒരു പള്ളിക്ക് മുന്നിലൂടെ കടന്നുപോകുമ്പോള് ആക്രമണം നടന്നതായി ബല്റാംപൂര് അഡീഷണല് പോലീസ് സൂപ്രണ്ട് സ്ഥിരീകരിച്ചു. പള്ളിക്കു മുന്നിലൂടെ ദുര്ഗാപൂജ ഘോഷയാത്രയുടെ വാഹനങ്ങള് കടന്നു പോയപ്പോള് വാഹനത്തിലെ സ്പീക്കറുകളിലൂടെ ദുര്ഗാമന്ത്രങ്ങള് കേള്പ്പിച്ചിരുന്നു. പള്ളിയുടെ മുന്നിലെത്തിയിട്ടും സ്പീക്കര് ഓഫ് ആക്കാത്തതില് പ്രകോപിച്ചായിരുന്നു ആക്രമണമെന്നാണ് ദൃക്സാക്ഷികള് വ്യക്തമാക്കുന്നത്. എന്നാല്, പള്ളിക്കുള്ളില് ഇത്രയധികം കല്ലുകള് എങ്ങനെ എത്തി എന്നത് ദുരൂഹമാണെന്നും ഇതു സംബന്ധിച്ച് അന്വേഷണം പുരോഗമിക്കുകയാണെന്നും പോലീസ്. സംഭവത്തെ തുടര്ന്ന് അല്പനേരം സംഘര്ഷസാധ്യത നിലനിന്നിരുന്നെങ്കിലും പിന്നീട് പോലീസ് സുരക്ഷ കര്ശനമാക്കുകയായിരുന്നു.
