കോഴിക്കോട്: സിപിഎം പ്രവര്ത്തകരുടെ മര്ദ്ദനത്തില് മനംനൊന്ത് യുവാവ് ആത്മഹത്യയ്ക്ക് ശ്രമിച്ച് മരിച്ച കേസ് അട്ടിമറിക്കാന് പോലീസ് ശ്രമിക്കുന്നുവെന്ന് കെ സുരേന്ദ്രന്. സിപിഎമ്മിന്റെ സമ്മര്ദ്ദത്തിനു വഴങ്ങിയാണ് പോലീസ് അലംഭാവം കാണിക്കുന്നത്. മരണപ്പെട്ട ബിജെപി പ്രവര്ത്തകനായ രാജേഷിനെ സിപിഎമ്മിന്റെയും സിഐടിയുവിന്റെയും നേതാക്കള് വളഞ്ഞിട്ട് തല്ലുന്ന സിസിടിവി ദൃശ്യങ്ങള് പോലീസ് കോടതിയില് ഹാജരാക്കാത്തത് ഇതിനുദാഹരണമാണ്. നിലനില്ക്കാത്ത ദുര്ബല വകുപ്പുകള് ചുമത്തിയാണ് പോലീസ് പ്രതികള്ക്കെതിരെ കേസ് എടുത്തിട്ടുള്ളത്. ഇത് പ്രതികള്ക്ക് രക്ഷപ്പെടാനുള്ള വഴിയൊരുക്കുന്നതിനു വേണ്ടിയാണെന്നും അദ്ദേഹം മാധ്യമങ്ങളോട് പറഞ്ഞു.
കഴിഞ്ഞ പതിനഞ്ചാം തീയതിയാണ് എലത്തൂരില് വച്ച് രാജേഷിനെ സിപിഎം പ്രാദേശിക നേതാക്കളും സിഐടിയുക്കാരും അടങ്ങുന്ന സംഘം മര്ദ്ദിച്ചത്. സിപിഎം പ്രവര്ത്തകരുടെ വളഞ്ഞിട്ടുള്ള മര്ദ്ദനത്തില് മനംനൊന്ത രാജേഷ് ഓട്ടോയില് സൂക്ഷിച്ചിരുന്ന പെട്രോള് ഒഴിച്ച് തീ കൊളുത്തുകയായിരുന്നു. കോഴിക്കോട് മെഡിക്കല് കോളേജില് ഒരാഴ്ചയോളം ചികിത്സയില് തുടരവെ രാജേഷ് ഇന്നലെ രാത്രി മരിക്കുകയായിരുന്നു. രാജേഷ് എലത്തൂരില് ഓട്ടോറിക്ഷ ഓടിക്കുന്നത് സിഐടിയു അംഗങ്ങളായ ഓട്ടോറിക്ഷ തൊഴിലാളികള് വിലക്കിയിരുന്നു. ഇതേ ചൊല്ലിയുള്ള തര്ക്കമാണ് മര്ദ്ദനത്തില് കലാശിച്ചത്. കേസില് അറസ്റ്റിലായ രണ്ട് സിപിഎം സിപിഎം പ്രാദേശിക നേതാക്കള് റിമാന്ഡിലാണ്. ശ്രീലേഷ് ,ഷൈജു എന്നിവരെയാണ് കേസുമായി ബന്ധപ്പെട്ട് റിമാന്ഡില് കഴിയുന്നത്. കേസില് സിപിഎം, സിഐടിയു പ്രവര്ത്തകര് ഉള്പ്പടെ മുപ്പതോളം പേര് പ്രതികളാണ്.
രാജേഷിന്റെ മൃതദേഹം വെസ്റ്റ്ഹില്ലിലെ ശ്മശാനത്തില് ദഹിപ്പിക്കാനുള്ള തീരുമാനത്തില് നിന്ന് കുടുംബം പിന്മാറി. മൃതദേഹം വീട്ടുവളപ്പില് അടക്കം ചെയ്യാനാണ് കുടുംബത്തിന്റെ തീരുമാനം. പ്രതികളെ രക്ഷിക്കാന് പൊലീസ് ഒത്തുകളിക്കുന്നെന്ന് വ്യക്തമായതിന്റെ അടിസ്ഥാനത്തിലാണ് തീരുമാനമെന്ന് കുടുംബം പറഞ്ഞു. മൃതദേഹം റീപോസ്റ്റുമോര്ട്ടം ചെയ്യണമെന്ന് ആവശ്യപ്പെടുമെന്നും മൃതദേഹവുമായി പൊലീസ് സ്റ്റേഷനിലേക്ക് മാര്ച്ച് നടത്തുന്ന കാര്യം പരിഗണനയിലാണെന്നും കുടുംബം പറഞ്ഞു. പ്രതികളെ രക്ഷിക്കാന് പോലീസ് ഒത്തുകളിക്കുന്നെന്ന് വ്യക്തമായതിന്റെ അടിസ്ഥാനത്തിലാണ് തീരുമാനമെന്ന് കുടുംബം പറഞ്ഞു. രാജേഷിന്റെ മരണത്തില് പ്രതികളെ സഹായിക്കുന്ന നിലപാടാണ് പൊലീസ് സ്വീകരിക്കുന്നതെന്ന് നേരത്തെ ബിജെപി പ്രസിഡന്റെ ടിപി ജയചന്ദ്രന് വ്യക്തമാക്കുകയുണ്ടായി.
