ശ്രീനഗര്: മുഹമ്മദ് യൂസഫ് തരിഗാമിയെ കാണാനെത്തിയ സിപിഎം ജനറല് സെക്രട്ടറി കാശ്മീരില് നിന്നും ഇന്ന് തിരികെ പോകിലെന്ന് നിലപാടുമായി രംഗത്ത്. എന്നാല്, വിഘടനവാദികള്ക്കൊപ്പം ചേര്ന്ന് ക്രമസമാധാനനില തകര്ക്കാന് സമ്മതിക്കില്ലെന്നും സീതാറാം യെച്ചൂരി ഉടന് തിരിച്ച് പോകണമെന്നും പോലീസ് അറിയിച്ചു.
സുപ്രീംകോടതിയുടെ അനുമതിയോടെ ഒരു സഹായിക്കൊപ്പമാണ് യെച്ചൂരി കശ്മീരിലെത്തിയത്. ശ്രീനഗര് വിമാനത്താവളത്തില് നിന്ന് സുരക്ഷ അകമ്പടിയോടെ യെച്ചൂരി യൂസഫ് താരിഗാമിയുടെ വീട്ടിലെത്തിയത്. ഇന്ന് കശ്മീരില് തങ്ങണമെന്ന് യെച്ചൂരി കശ്മീര് പോലീസിനോട് ആവശ്യപ്പെട്ടു. എന്നാല്, ഇതിനുള്ള അനുമതി പോലീസ് നല്കിയിട്ടില്ല. തരിഗാമിയെ സുഹൃത്ത് എന്ന നിലയില് യച്ചൂരിക്ക് കാണാമെന്നും രാഷ്ട്രീയ ഉദ്ദേശ്യത്തോടെയാകരുത് കൂടിക്കാഴ്ചയെന്നും കോടതി നിര്ദേശിച്ചിരുന്നു. ഇത് തള്ളിയാണ് ഇപ്പോള് യെച്ചൂരി രംഗത്തുവന്നത്.
