ഭിന്നശേഷിക്കാരുടെ പ്രഥമ ടി ട്വന്റി ലോക സീരീസില് കിരീടം നേടിയ ഇന്ത്യന് ടീം ട്രോഫിയുമായി
ലണ്ടന്: ഭിന്നശേഷിക്കാരുടെ പ്രഥമ ടി ട്വന്റി ലോക ക്രിക്കറ്റ് പരമ്പരയില് ഇന്ത്യക്ക് കിരീടം. ഫൈനലില് ആതിഥേയരായ ഇംഗ്ലണ്ടിനെ 36 റണ്സിന് തോല്പ്പിച്ചാണ് ഇന്ത്യ ചാമ്പ്യന്മാരായത്.
മധ്യനിര ബാറ്റ്സ്മാനായ ആര്.ഡി സാന്റെയുടെ അര്ധ സെഞ്ചുറിയുടെ മികവില് ഇന്ത്യ 20 ഓവറില് ഏഴു വിക്കറ്റിന് 180 റണ്സ് നേടി. മറുപടി പറഞ്ഞ ഇംഗ്ലണ്ടിനെ ഇന്ത്യ 20 ഓവറില് ഒമ്പത് വിക്കറ്റിന് 144 റണ്സില് പിടിച്ചു നിര്ത്തി.
അടിച്ചുതകര്ത്ത സാന്െ 34 പന്തില് 53 റണ്സ്് നേടി. രണ്ട് ഫോറും നാല് സിക്സറും അടിച്ചു. ഓപ്പണര് കെ.ഡി. ഫനാസി 36 റണ്സും വിക്രാന്ത് കെനി 29 റണ്സും എസ്. മഹേന്ദ്രന് 33 റണ്സും നേടി.
വിജയം ലക്ഷ്യമിട്ടിറങ്ങിയ ഇംഗ്ലണ്ടിനെ ഫനാസിയും എസ്. ഗോയലും ചേര്ന്നാണ് തകര്ത്തത്. ഇരുവരും രണ്ട് വിക്കറ്റ് വീതം വീഴ്ത്തി.
മലയാളിയായ ഇടം കൈയന് സ്പിന്നര് അനീഷ് ഒരു വിക്കറ്റെടുത്തു. ഇംഗ്ലണ്ടിനായി എ.ജി. ബ്രൗണ് 44 റണ്സും സി. ഫ്ളിന് 28 റണ്സും നേടി. മുന് മുംബൈ കോച്ച് സുലക്ഷന് സുല്ക്കര്ണിയാണ് ഇന്ത്യന് ടീമിന്റെ പരിശീലകന്.
കിരീടം നേടിയ ഇന്ത്യന് ടീമിനെ ഇന്ത്യന് ക്രിക്കറ്റ് കണ്ട്രോള് ബോര്ഡും മുന് ഓപ്പണര് വസിം ജാഫറും അഭിനന്ദിച്ചു.
