തിരുവനന്തപുരം: ചിഹ്നങ്ങള് ധരിച്ച് പ്രളയ ദുരിതാശ്വാസ പ്രവര്ത്തനങ്ങളില് ഏര്പ്പെടരുതെന്ന മുഖ്യമന്ത്രി പിണറായി വിജയന്റെ പ്രസ്താവനയെ വിമര്ശിച്ച് സോഷ്യല് മീഡിയ. മുഖ്യമന്ത്രിയുടെ പ്രസ്താവന വകവയ്ക്കാതെ സിപിഎമ്മിന്റെ യുവജന സംഘടനയായ ഡി.വൈ.എഫ്.ഐ തന്നെയാണ് ചിഹ്നങ്ങളുടെ ഉപയോഗത്തിന്റെ കാര്യത്തില് മുന്നില് നില്ക്കുന്നത്. മുഖ്യമന്ത്രി ഡി.വൈ.എഫ്.ഐയെ മാത്രം ഉദ്ദശിച്ചല്ലേ പറഞ്ഞതെന്നാണ് സോഷ്യല് മീഡിയയിലെ ആക്ഷേപം. കൂടാതെ സി.പി.എമ്മിന്റെ പ്രവര്ത്തകര് ദുരിതാശ്വാസ പ്രവര്ത്തനങ്ങളില് ഏര്പ്പെടാത്തതിന്റെ നാണക്കേട് മറയ്ക്കാനാണോ ഇത്തരമൊരു പ്രസ്ഥാവന മുഖ്യമന്തി നടത്തിയതെന്നും സോഷ്യല് മീഡിയകളില് ചര്ച്ചയാകുന്നു.
ദുരിതബാധിത പ്രദേശങ്ങളില് ചില സ്ഥലങ്ങളില് മാത്രമാണ് ഡി.വൈ.എഫ്.ഐ പ്രവര്ത്തനം നടത്തുന്നത്. എന്നാല് അത് പോലും ഡി.വൈ.എഫ്.ഐ എന്നെഴുതിയ ടീ ഷര്ട്ടുകള് ധരിച്ചാണ്. കൂടാതെ ഡി.വൈ.എഫ്.ഐയുടെ കൊടി കെട്ടിയ വാഹനങ്ങളും ഉപയോഗിക്കുന്നുണ്ട്.
കഴിഞ്ഞ പാര്ലമെന്റ് തെരഞ്ഞെടുപ്പില് സിപിഎം ദയനീയമായി പരാജയപ്പെട്ടപ്പോള് ആശുപത്രികളില് തങ്ങള് നല്കിയ പൊതിച്ചോര് വാങ്ങിയവര് പോലും തങ്ങള്ക്ക് വോട്ട് നല്കിയില്ലെന്ന് പരാതിപ്പെട്ട് തെരെഞ്ഞെടുപ്പ് തോല്വിയെ ന്യായീകരിച്ച ഡി.വൈ.എഫ്.ഐയാണ് ഇപ്പോള് ദുരിതാശ്വാസമെന്ന് പറഞ്ഞ് ഇറങ്ങിയിരിക്കുന്നത്. ഇല്ലാത്ത മുഖച്ഛായ വീണ്ടെടുക്കാനുള്ള ശ്രമത്തിലാണ് ഡി.വൈ.എഫ്.ഐ.
