കായംകുളം: കേരളത്തിന്റെ സാമൂഹിക നവോത്ഥാനത്തിന് ദേശാഭിമാനി ടി.കെ. മാധവന് തറക്കല്ലിട്ടത് പുതുതലമുറയ്ക്ക് കരുത്ത് പകരുന്നതാണെന്ന് ഹിന്ദുഐക്യവേദി സംസ്ഥാന അധ്യക്ഷ കെ.പി. ശശികല ടീച്ചര്. ദേശാഭിമാനി ടി.കെ. മാധവന് സാമൂഹിക സമരസതാ പുരസ്കാര സമര്പ്പണ ചടങ്ങില് മുഖ്യപ്രഭാഷണം നടത്തുകയായിരുന്നു അവര്.
അനാചാരങ്ങള്ക്കും അന്ധവിശ്വാസങ്ങള്ക്കും കടിഞ്ഞാണ് ഇടാന് ശ്രമിച്ച നവോത്ഥാന നായകന്മാരില് പ്രമുഖനായിരുന്നു ടി.കെ. മാധവന്. ഒരു സമൂഹത്തെ ശക്തിപ്പെടുത്തിയെങ്കിലേ ഒരു മതത്തെ ശക്തിപ്പെടുത്താന് പറ്റുകയുള്ളൂ എന്ന് അദ്ദേഹം സമൂഹത്തെ ഉത്ബോധിപ്പിച്ചു. വനവാസി സമൂഹത്തിന് വേണ്ടി പ്രവര്ത്തിക്കുന്ന പി.കെ. ഭാസ്ക്കരന് ടി.കെ. മാധവന്റെ ചിന്തകള്ക്ക് അനുചിതമായി പ്രവര്ത്തിക്കുന്നതായും ടീച്ചര് പറഞ്ഞു.
പുരസ്കാര സമര്പ്പണവും ഉദ്ഘാടനവും മുന് പിഎസ്സി ചെയര്മാന് ഡോ.കെ.എസ്. രാധാകൃഷ്ണന് നിര്വഹിച്ചു. ടി.കെ. മാധവന് ഫൗണ്ടേഷന് സെക്രട്ടറി എന്. ഗംഗാധരന്, പുരസ്കാര സമിതി പ്രസിഡന്റ് കെ.പി. രാധാകൃഷ്ണന്, എന്. രാധാകൃഷ്ണ പണിക്കര്, പി. വേണുഗോപാല് എന്നിവര് സംസാരിച്ചു.
