കൊച്ചി: എറണാകുളം നെട്ടൂരില് യുവാവിന്റെ മൃതദേഹം ചതുപ്പില് കെട്ടിത്താഴ്ത്തിയ നിലയില് കണ്ടെത്തി. നെട്ടൂര് റെയില്വെ സ്റ്റേഷന് സമീപമാണ് മൃതദേഹം കണ്ടെത്തിയത്. കുമ്പളം സ്വദേശി അര്ജുന് എന്ന യുവാവാണ് കൊല്ലപ്പെട്ടതെന്നാണ് സൂചന. നെട്ടൂരില് കായലോരത്തെ കുറ്റിക്കാട്ടില് ചെളിയില് കല്ലുകെട്ടി താഴ്ത്തിയ നിലയിലാണ് അര്ജുന്റെ മൃതദേഹം കണ്ടെത്തിയത്.
അര്ജുനെ (20)കാണാനില്ലെന്ന് അറിയിച്ച് കുടുംബം പനങ്ങാട് പോലീസിന് പരാതി നല്കിയിരുന്നു. അര്ജുന്റെ സുഹൃത്തുക്കളായ റോണി, നിപിന് എന്നിവരെ സംശയിക്കുന്നതായി പോലീസിന് നല്കിയ പരാതിയില് പറഞ്ഞിരുന്നു. ഇതിനിടെയാണ് മൃതദേഹം കണ്ടെത്തിയത്. പോലീസ് യുവാവിന്റെ നാല് സുഹൃത്തുക്കളെ കസ്റ്റഡിയിലെടുത്ത് ചോദ്യം ചെയ്തുവരികയാണ്.
