സിഡ്നി : ആസ്ട്രേലിയയിലെ സിഡ്നി നോര്ത്ത് വെസ്റ്റ് മെട്രോ അടുത്തിടെ അവതരിപ്പിച്ച് കൈയ്യടി നേടിയ ഡ്രൈവറില്ലാ ട്രെയിന് നിര്മിച്ചത് ഇന്ത്യയില്. ഈ പുതിയ ജനറേഷന് ട്രെയിന് ഇന്ത്യയിലെ തമിഴ്നാട്- ആന്ധ്ര അതിര്ത്തിയിലുള്ള ശ്രീ സിറ്റിയിലെ അല്സ്റ്റം ഫ്രഞ്ച് എന്ന കമ്പനിയാണ് നിര്മാണം നടത്തിയത്.
കഴിഞ്ഞ ദിവസം 36 കിലോമീറ്റര് പരീക്ഷണ ഓട്ടം വിജയകരമായി പൂര്ത്തിയാക്കിയ ഈ ആളില്ലാ ട്രെയിന് ഏപ്രില് അല്ലെങ്കില് മെയ് മാസം ആദ്യം യാത്രക്കാര്ക്കായി ഓടി തുടങ്ങുമെന്ന് പ്രീമിയര് ഗ്ലാഡിസ് ബെറജക്ലിയന് അറിയിച്ചു. ഇതോടെ ആസ്ട്രേലിയയിലെ ആദ്യ ഡ്രൈവറില്ലാ ട്രെയിന് ആകും സിഡ്നി നോര്ത്ത് വെസ്റ്റ് മെട്രോ.
ആറ് ബോഗികളുള്ള 22 ഡ്രൈവറില്ലാ ട്രെയിനുകളാണ് നിര്മ്മിച്ചിരിക്കുന്നത്. ഇതില് 17 എണ്ണമാണ് ശ്രീ സിറ്റിയില് നിര്മിച്ചത്. ഈ ഡ്രൈവറില്ലാ ട്രെയിനിന്റെ രൂപകല്പ്പന നിര്വ്വഹിച്ചിരിക്കുന്നത് ഫ്രാന്സിലാണ്. അല്സ്റ്റമിന്റെ ആസ്ട്രേലിയ, ബ്രസീല്, ചൈന, ബെല്ജിയം എന്നീ ഘടകളും സംയുക്തമായി നിര്മാണത്തില് പങ്കുവഹിച്ചിട്ടുണ്ട്.
സിഡ്നിയുടെ വടക്ക് പടിഞ്ഞാറന് പ്രദേശത്തുള്ള പുതിയ തല്ലാവോങ് സ്റ്റേഷനില് നിന്നും നഗരത്തിന്റെ വടക്കന് പ്രദേശമായ ചാറ്റ്സ് വുഡ് വരെയാണ് ഈ ഡ്രൈവറില്ലാ ട്രെയിന് ഉപയോഗിക്കുന്നത്. 8.3 ബില്യണ് ഡോളറാണ് ഡ്രൈവര് ഇല്ലാ ട്രെയിനുകള്ക്കായി സര്ക്കാര് ചിലവഴിക്കുന്നത്. ഇതില് 500 മില്യണ് ആണ് ആദ്യ ഘട്ടത്തിനായി ചിലവഴിച്ചു.
സിഗ്നലും മറ്റ് സാങ്കേതിക പരിശോധനകളും പൂര്ത്തിയാക്കി നാഷണല് സേഫ്റ്റി റെഗുലേറ്ററിന്റെ അനുമതി ലഭിച്ച ശേഷം മാത്രമേ ട്രെയിന് ഓടി തുടങ്ങുന്ന തീയതിയില് വ്യക്തത വരൂ.
ഡ്രൈവറില്ലാ ട്രെയിനിന്റെ രണ്ടാം ഘട്ടം സിഡ്നി നഗരവും ചാറ്റ്സ് വുഡ്, സിഡ്നം എന്നീ പ്രദേശങ്ങളും തമ്മില് ബന്ധിപ്പിക്കുന്നതാണ്. 2024 ഓടെ രണ്ടാം ഘട്ടത്തിന്റെ പണി പൂര്ത്തിയാക്കി ട്രെയിന് ഓടിത്തുടങ്ങാന് കഴിയുമെന്നാണ് സര്ക്കാര് പ്ര
