നോയിഡ: ഉത്തര്പ്രദേശ് മുഖ്യമന്ത്രി യോഗി ആദിത്യനാഥിനെതിരെ അപകീര്ത്തികരമായ വിധത്തില് വാര്ത്ത നല്കിയ ചാനല് മേധാവിയും എഡിറ്ററും അറസ്റ്റില്. ജൂണ് ആറിന് നടന്ന ചാനല് ചര്ച്ചയിലാണ് മുഖ്യമന്ത്രിക്കെതിരെ ഒരു യുവതി ചാാനലിലൂടെ അപകീര്ത്തികരമായ പ്രസ്താവന നടത്തിയത്.
യുവതിയുടെ ഇത്തരത്തിലുള്ള അടിസ്ഥാനരഹിതമായ പ്രസ്താവന പുറത്തുവിട്ട ചാനലിനെതിരെ കേസെടുക്കണമെന്ന് ആവശ്യപ്പെട്ട് ഒരു രാഷ്ട്രീയ പാര്ട്ടിയുടെ പ്രവര്ത്തകരാണ് പരാതി നല്കിയതെന്ന് സീനിയര് പോലീസ് സൂപ്രണ്ട് വൈഭവ് കൃഷ്ണ വ്യക്തമാക്കി.
സ്വകാര്യ ചാനല് മേധാവിയായ ഇഷിക സിങ്, അനുജ് ശുക്ല എന്നിവരാണ് അറസ്റ്റിലായിരിക്കുന്നത്. ഇവര്ക്കെതിരെ അപകീര്ത്തിപ്പെടുത്തല്, വ്യാജ രേഖകള് ചമയ്ക്കല് തുടങ്ങിയ കുറ്റങ്ങളാണ് ചുമത്തിയിരിക്കുന്നത്.
വാര്ത്ത പുറത്തുവിട്ട ചാനലിന് ലൈസന്സ് ഇല്ലെന്നും അനുമതി ഇല്ലാതെയാണ് ചാനല് പ്രവര്ത്തിക്കുന്നതെന്നും പോലീസ് അറിയിച്ചു. അതിനിടെ മറ്റൊരു പരാതിയില് ലൈസന്സ് ഇല്ലാതെ പ്രവര്ത്തിച്ചതിനും ചാനലിനെതിരെ കേസെടുത്തിട്ടുണ്ടെന്നും വൈഭവ് കൃഷ്ണ കൂട്ടിച്ചേര്ത്തു.
