ന്യൂദല്ഹി: ധോണിയുടെ വിവാദമായ കീപ്പിങ് ഗ്ലൗവുമായി ബന്ധപ്പെട്ട വിഷയത്തില് ഇന്റര് നാഷണല് ക്രിക്കറ്റ് കൗണ്സിലിന്റെ തീരുമാനം അനുസരിക്കുമെന്ന് ഇടക്കാല ക്രിക്കറ്റ് ഭരണസമിതി തലവന് വിനോദ് റോയ്.
നമ്മളുടെ നിലപാട് വ്യക്തമാണ്. ഐസിസിയുടെ ചട്ടങ്ങള് പാലിക്കും. ധോണിയുടെ കീപ്പിങ് ഗ്ലൗവിലെ മുദ്രയില് മതവുമായി ബന്ധപ്പെട്ട സന്ദേശങ്ങളോ വാണിജ്യ താല്പ്പര്യങ്ങളോ ഇല്ല. പക്ഷെ ഇത്തരത്തിലുള്ള ഒന്നും ധരിക്കരുതെന്നാണ് ഐസിസിയുടെ ചട്ടം. ഈ നിയമം പാലിക്കുമെന്ന് വിനോദ് റായ് പറഞ്ഞു.
സൈനിക മുദ്രയുള്ള കീപ്പിങ് ഗ്ലൗവുമായി ധോണിയെ കളിക്കാന് അനുവദിക്കണമെന്ന് വെള്ളിയാഴ്ച ഇന്ത്യന് ക്രിക്കറ്റ് കണ്ട്രോള് ബോര്ഡ് ഐസിസിയോട് അപേക്ഷിച്ചിരുന്നു. പക്ഷെ ഐസിസി ഈ ആവശ്യം നിരസിച്ചു.
ദക്ഷിണാഫ്രിക്കക്കെതിരായ ആദ്യ മത്സരത്തില് ഫെഹല്കുവായോയെ സ്റ്റമ്പ് ചെയ്്തപ്പോഴാണ് ധോണിയുടെ വിവാദ ഗ്ലൗവ് ടിവി ക്യാമറകള് ഒപ്പിയെടുത്തത്്. പിന്നീട് ഇത് സമൂഹ മാധ്യമങ്ങളില് പ്രചരിച്ചതോടെയാണ് ഐസിസി ഗ്ലൗവ് മാറ്റാന് ബിസിസിഐക്ക് നിര്ദേശം നല്കിയത്്.
