ന്യൂദല്ഹി: വിദ്യാഭ്യാസ രംഗത്ത് സമഗ്ര പരിഷ്കരണം ലക്ഷ്യമിട്ട് കസ്തൂരി രംഗന് സമിതി സമര്പ്പിച്ച പുതിയ ദേശീയ വിദ്യാഭ്യാസ നയത്തിന്റെ കരടിനെതിരെ ഉയര്ന്ന ആരോപണങ്ങള്ക്ക് മറുപടിയുമായി കേന്ദ്ര സര്ക്കാര്. ഒരു ഭാഷയും സംസ്ഥാനങ്ങള്ക്കുമേല് അടിച്ചേല്പ്പിക്കില്ലെന്ന് മാനവ വിഭവശേഷി മന്ത്രി രമേശ് പൊഖ്രിയാല് നിഷാങ്ക് വ്യക്തമാക്കി.
കരട് റിപ്പോര്ട്ടാണ് സമിതി സമര്പ്പിച്ചത്. അത് ഇതുവരെ പരിഗണിക്കുകയോ തീരുമാനമെടുക്കുകയോ ചെയ്തിട്ടില്ല. പൊതുജനങ്ങളുടെയും വിദഗ്ധരുടെയും അഭിപ്രായം സ്വരൂപിച്ചതിനു ശേഷം മാത്രമാകും നടപടി. റിപ്പോര്ട്ട് അംഗീകരിച്ചുവെന്ന പ്രചാരണം വാസ്തവമല്ല, അദ്ദേഹം വ്യക്തമാക്കി.
ഇംഗ്ലീഷിനൊപ്പം പ്രാദേശിക ഭാഷയും ദേശീയ ഭാഷയായ ഹിന്ദിയും ഉള്പ്പെടുന്ന ത്രിഭാഷാ പദ്ധതി നടപ്പാക്കണമെന്ന നിര്ദ്ദേശത്തിനെതിരെ തമിഴ്നാട്ടില് രാഷ്ട്രീയ പാര്ട്ടികള് രംഗത്തുവന്നിരുന്നു. ഹിന്ദി അടിച്ചേല്പ്പിക്കാനുള്ള നീക്കമെന്നാണ് പ്രചാരണം. 1968ലെ നവ വിദ്യാഭ്യാസ നയത്തിലും ത്രിഭാഷാ പഠനം നിര്ദേശിക്കുന്നുണ്ട്. ഇത് തുടരണമെന്ന് മാത്രമാണ് കസ്തൂരി രംഗന് സമിതിയുടെ റിപ്പോര്ട്ടിലുള്ളത്.
