ന്യൂദല്ഹി : വിദേശകാര്യ സഹമന്ത്രിയായി ചുമതല ഏല്ക്കുന്നതിന് മുന്പ് മുന് വിദേശ്യകാര്യ മന്ത്രി സുഷമ സ്വരാജിന്റെ അനുഗ്രഹം വാങ്ങി വി. മുരളീധരന്. ഒന്നാം മോദി മന്ത്രി സഭയിലെ ഏറ്റവും ജനകീയായ മന്ത്രി കൂടിയായിരുന്നു സുഷമ സ്വരാജ്. വിദേശ രാജ്യങ്ങളുമായി മികച്ച നയതന്ത്രബന്ധം പുലര്ത്തുന്നതിനു നരേന്ദ്ര മോദിയെ സഹായിച്ച അവര് വിദേശകാര്യ മന്ത്രി പദത്തില് ശ്രദ്ധേയമായ പ്രകടനമാണ് കാഴ്ചവെച്ചത്.
സുഷമ സ്വരാജിന്റെ ട്വിറ്റര് നയതന്ത്രം ലോകരാഷ്ട്രങ്ങള്ക്കിടയില് ഏറെ പ്രസിദ്ധിയാര്ജ്ജിച്ചതാണ്. വിദേശ കാര്യ വകുപ്പിന്റെ ചുമതലയൊഴിഞ്ഞശേഷം സുഷമയ്ക്ക് നന്ദി അറിയിച്ചുകൊണ്ടും ആശംസകള് അര്പ്പിച്ചും നിരവധിയാളുകളാണ് ട്വീറ്റ് ചെയ്യുന്നത്.
വി മുരളീധരന്റെ ഫേയ്സ്ബുക്ക് പോസ്റ്റിന്റെ പൂര്ണ്ണ രൂപം
വിദേശകാര്യ മന്ത്രാലയത്തിന്റെ പ്രവര്ത്തനങ്ങള് ഏറ്റെടുക്കുന്നതിന് മുന്പ് അനുഗ്രഹങ്ങള് വാങ്ങാനും ഉപദേശങ്ങള് തേടാനുമായി ഇന്ന് സുഷമാജിയെ സന്ദര്ശിച്ചിരുന്നു. വിദേശകാര്യ മന്ത്രാലയത്തിന് നയതന്ത്ര ബന്ധങ്ങളോടൊപ്പം തന്നെ ജനങ്ങളുടെ പ്രത്യേകിച്ച് പ്രവാസികളുടെ പ്രശ്നങ്ങള് പരിഹരിക്കാനുള്ള ചുമതല കൂടിയുണ്ട്.
സാധാരണ മുന്കാലങ്ങളിലുള്ള മന്ത്രിമാര് നയതന്ത്ര കാര്യങ്ങളില് മാത്രമാണ് ഊന്നല് നല്കിയിരുന്നത്. വിദേശകാര്യ മന്ത്രാലയത്തിന് മനുഷ്യത്വപരമായ മുഖം നല്കിയത് സുഷമാ ജിയുടെ കഴിഞ്ഞ അഞ്ചു വര്ഷത്തെ പ്രവര്ത്തനങ്ങളാണ്. അതുകൊണ്ട് തന്നെ ആ പ്രവര്ത്തനങ്ങള് തുടര്ന്നും മുന്നോട്ട് കൊണ്ടുപോകാനാണ് ഞാന് ഉദ്ദേശിക്കുന്നത്. അതില് എല്ലാ വിധത്തിലുമുള്ള പിന്തുണയും അനുഗ്രഹവും തേടിക്കൊണ്ടാണ് ഇന്ന് സുഷമാജിയെ സന്ദര്ശിച്ചത്. എല്ലാ പിന്തുണയും ഉണ്ടാകുമെന്നും ഭാവിയിലും ഏത് വിഷയത്തിലുമുള്ള ഉപദേശ നിര്ദ്ദേശങ്ങള്ക്കായിട്ട് സമീപിക്കാനുള്ള പൂര്ണ സ്വാതന്ത്ര്യം ഉണ്ടാകുമെന്നും സുഷമാജി സൂചിപ്പിച്ചു.
വിദ്യാര്ത്ഥി പരിഷത്ത് പ്രവര്ത്തന കാലഘട്ടം മുതല്ക്കെയുള്ള ഊഷ്മളമായ സൗഹൃദം. അതാണ് പെട്രോളിയം, സ്റ്റീല് വകുപ്പു മന്ത്രി ധര്മേന്ദ്ര പ്രധാനുമായും പത്നി മൃദുല പ്രധാനുമായും ഉള്ളത്. മന്ത്രിയായ ചുമതലയേറ്റശേഷം ഇന്ന് ഇരുവരെയും അവരുടെ വസതിയില് സന്ദര്ശിച്ചു. പരിചയസമ്ബന്നനായ മന്ത്രിസഭാംഗം എന്ന നിലയില് വിവിധ വിഷയങ്ങളെക്കുറിച്ചുള്ള അഭിപ്രായങ്ങള് അദ്ദേഹം പങ്കുവച്ചു.
