തിരുവനന്തപുരം: മസാലാ ബോണ്ട് സംബന്ധിച്ച അടിയന്തര പ്രമേയത്തിന്റെ ചര്ച്ചാ വേളയിലും ചോദ്യോത്തര വേളയിലും ധനമന്ത്രി തോമസ് ഐസക്ക് പറഞ്ഞ പലതും വസ്തുതാ വിരുദ്ധവും തെറ്റായവയുമായിരുന്നെന്ന് കാട്ടി പ്രതിപക്ഷ നേതാവ് രമേശ് ചെന്നിത്തല സ്പീക്കര്ക്ക് കത്ത് നല്കി.
കിഫ്ബി ബോണ്ടുകളില് ഏതൊക്കെ കമ്പനികള് നിക്ഷേപം നടത്തിയിട്ടുണ്ടെന്ന കാര്യം, സ്റ്റോക്ക് എക്ചേഞ്ചുമായി ഉണ്ടാക്കിയ കരാര് അനുസരിച്ച് പുറത്തു വിടാന് സാധിക്കുകയില്ലെന്ന് ധനമന്ത്രി സഭയില് പറഞ്ഞെങ്കിലും കിഫ്ബി പുറത്തിറക്കിയ പത്രക്കുറിപ്പിലും മറ്റും സിഡിപിക്യൂവാണ് ബോണ്ടുകള് വാങ്ങിയതെന്ന് പരാമര്ശിക്കുന്നുണ്ട്.
ചോദ്യോത്തര വേളയില് ബോണ്ടുകള്ക്ക് ലണ്ടന് നിയമമല്ലേ ബാധകമാകുന്നതെന്ന ചോദ്യത്തിന് അല്ല എന്നാണ് മറുപടി ധനമന്ത്രി മറുപടി നല്കിയത്. എന്നാല് കിഫ്ബി പുറത്തിറക്കിയ പത്രക്കുറിപ്പില് ഇംഗ്ലീഷ് നിയമമാണ് ബോണ്ടുകള്ക്ക് ബാധകമാവുക എന്ന് വ്യക്തമായി പറയുന്നുണ്ട്. ഇത്തരത്തില് സഭയെ തെറ്റിദ്ധരിപ്പിച്ചത് സംബന്ധിച്ച് പരിശോധിക്കണം എന്നാവശ്യപ്പെട്ടുകൊണ്ടാണ് സ്പീക്കര്ക്ക് ചെന്നിത്തല കത്ത് നല്കിയത്.
